எதிராக பேசும் கூட்டணி கட்சிகள் பின்னணியில் யார்? | Congress | DMK Alliance | 2026 Election скачать в хорошем качестве

எதிராக பேசும் கூட்டணி கட்சிகள் பின்னணியில் யார்? | Congress | DMK Alliance | 2026 Election

#Partnership காங்கிரசுக்கு எதிராக கூட்டணி கட்சிகளை ஏவிவிட்டதா திமுக? தொகுதி பங்கீடு பேச்சு நடத்த தமிழக காங்கிரஸ் சார்பில் ஐவர் குழு அமைக்கப்பட்டது. ஆனால் எந்த பேச்சுக்கும் முன்வராமல் மவுனம் சாதித்து வருகிறது திமுக. ஆட்சியில் பங்கு, 41 தொகுதிகள் என காங்கிரசார் பொதுவெளியில் சொல்லும் நிபந்தனைகள் தான் திமுகவின் கோபத்துக்கு காரணம். எப்போதும் இல்லாத வகையில் கூட்டணி விஷயத்தில் திடீர் நெருக்கடி கொடுப்பதை முறியடிக்க திமுக திட்டமிட்டது. கூட்டணியில் உள்ள கம்யூனிஸ்ட் கட்சிகள், விடுதலை சிறுத்தை சார்பில் காங்கிரசுக்கு பதிலடி தரும் நடவடிக்கையை கையில் எடுத்தது. சமீபத்தில் தமிழக காங்., தலைவர் செல்வப்பெருந்தகை, திமுக கூட்டணிக்குள் ராமதாஸ் தலைமையிலான பாமகவை சேர்க்க, ராமதாஸ்,- திருமாவளவன் இருவரும் பேசினால் போதும்; வி.சி., நிலைப்பாடு நிச்சயம் மாறும் என்றார். அவரது கருத்துக்கு வி.சி., - எம்.எல்.ஏ., எஸ்.எஸ்.பாலாஜி எதிர்ப்பு தெரிவித்து கூட்டணியில் யார் யார் இடம் பெறுவர் என்பதை திமுக முடிவெடுக்கும் என்றார். அதே நேரம், ஜாதியவாத, மதவாத சக்திகள் இருக்கும் இடத்தில் இருக்க மாட்டோம் எனும் நிலைப்பாட்டை, வி.சி., மாற்றிக் கொள்ளும் என்கிற தோற்றத்தை திணிப்பது நாகரிகமற்ற அரசியல் அணுகுமுறை' என கூறியிருந்தார். செல்வப்பெருந்தகை கருத்துக்கு, வி.சி., துணை பொதுச்செயலர் வன்னியரசும் எதிர்ப்பு தெரிவித்தார். எங்கள் முடிவில் தலையிடுவது நல்ல அரசியல் பண்பாக இல்லை என்றார். இந்த விவகாரத்தில் திமுக எந்த கருத்தும் சொல்லாமல், காங்கிரசுக்கு எதிராக விடுதலை சிறுத்தைகள் சீறுவதை ரசித்தது. அதன் தொடர்ச்சியாக மார்க்சிஸ்ட் கம்யூனிஸ்ட் மாநில செயலர் சண்முகம், வழக்கமாக கூட்டணிக்கு தலைமை வகிக்கக்கூடிய கட்சி தான் முதலில் பேச்சு நடத்த குழு அமைக்க வேண்டும். இந்த முறை தலைகீழாக நடக்கிறது என்றார். காங்கிரஸ் தலைகீழாக செயல்படுகிறது என சண்முகம் விமர்சித்திருப்பது காங்கிரசாருக்கு அதிருப்தியை அளித்துள்ளது. இது குறித்து தமிழக காங்கிரஸ் மூத்த நிர்வாகி ஒருவர் கூறுகையில், கூட்டணி கட்சிகளை ஏவிவிட்டு காங்கிரசை விமர்சிக்க வைக்கும் திமுகவின் செயல் அப்பட்டமாக தெரிகிறது. திமுகவுக்காக எங்களை விமர்சித்தாலும், நாங்களும் கூட்டணி கட்சி தான் என்பதை அவர்கள் உணரவில்லை என கூறி உள்ளார்.#Congress #DMKAlliance #2026Election #selvaperunthagai #ramadass #VCK #Thirumavalavan