Tv Klan - Nisin shkarkimet në kaskadën e Drinit скачать в хорошем качестве

Tv Klan - Nisin shkarkimet në kaskadën e Drinit

Kjo e martë solli një përkeqësim të kushteve të motit në të gjithë vendin, me reshje shiu dhe dëbore me intensitet të lartë. Për pasojë, në veri u rritën prurjet në kaskadën e Drinit, duke i detyruar autoritetet të nisin shkarkimet. Nga hidroçentralet e Komanit dhe Vaut të Dejës aktualisht po shkarkohen rreth 1 mijë metër kub në sekondë. Sipas Korporatës Elektroenergjetike Shqiptare, nivelet në liqenet e Kaskadës së Drinit rezultojnë të jenë në vlerat më të larta të mesatares shumëvjeçare të regjistruar dhe për këtë arsye shkarkimet janë në sasi më të mëdha në raport me prurjet e shumta hidrike në kaskadë. Megjithatë, KESH sqaron se aktualisht është shkarkuar 70–90% e prurjeve dhe në orët në vijim sasia e ujit do të reduktohet. Ndërkohë, shkarkimet kanë reflektuar në territor, pasi është rritur niveli i lumenjve Drin e Bunë, si dhe ai i liqenit të Shkodrës. Në Obot, uji ka mbuluar tokat bujqësore, por nuk rrezikohen banesat. Ndërkohë, rruga kryesore e fshatit ka prezencë uji rreth 40–50 cm, duke vështirësuar qarkullimin për mjetet e vogla. Në zonë ndodhen 10 efektivë të FA me dy mjete të larta. Ndërsa zonat malore të qarkut të Shkodrës janë përfshirë nga reshje bore. Qafa e Thorës vijon të jetë e bllokuar pranë tuneleve për shkak të orteqeve, ndërsa akset e tjera janë të kalueshme me goma dimërore. Bora ka mbuluar këtë të martë edhe juglindjen e vendit, Korçën. Megjithatë, akset rrugore janë të kalueshme. Sipas sinoptikanëve, intensiteti i reshjeve të shiut dhe borës do të ulet gjatë orëve të mbrëmjes së të martës, duke sjellë më pas mot më të qëndrueshëm, por më të ftohtë. “Më e keqja ka kaluar. E mërkura dhe enjtja do të jenë pa reshje. Të pakta të ziloluara vetëm në skajin jugor, dhe pjesa tjetër e territorit do të jetë pa reshje. Nesër zbret termoemtria -4 gradë në zonat malore dhe maksimumet 12 gradë,” tha meteorologia Lajda Porja. Ndërkohë, reshjet e shiut rikthehen sërish ditën e premte. “Më së shumti reshje shiu dhe bore vetëm në zonat malore. Pas ditës së premte do të kemi ditë të qëndrueshme. Ngricat në fundjavë. Edhe pse nuk do ketë reshje, ngricat do të jenë prezentë. Pritet që të ndryshojë situata në javën që vjen”. Duke filluar nga java e ardhshme, reshjet e shiut nuk do të jenë më prezente. Sipas sinoptikanëve, shkurti do të mbyllet me mot të qëndrueshëm, por me temperatura të ulëta. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/