విరాట్ | Virat Story in Telugu | Inspired story from Bhagavad Gita | Stefan Zweig | Rajan PTSK |అజగవ скачать в хорошем качестве

విరాట్ | Virat Story in Telugu | Inspired story from Bhagavad Gita | Stefan Zweig | Rajan PTSK |అజగవ

భగవద్గీత కర్మసిద్ధాంతం ఆధారంగా ఓ ఆస్ట్రియా రచయిత వ్రాసిన జర్మన్ కథ ఈరోజు మనం ష్తెఫాన్ స్త్వైగ్ అనే ఆస్ట్రియా రచయిత రచించిన ఓ జర్మన్ నవలికను సంగ్రహంగా చెప్పుకుందాం. నవలిక అంటే నవల కంటే చిన్నది. కథ కంటే పెద్దది. ఒక పెద్ద కథన్న మాట. జర్మన్ భాషలోని ఆ నవలిక అసలు పేరు డీ వౌగెన్ డెస్ ఐవీగన్ బ్రూడెర్స్. ఈ శీర్షికను తెలుగులోకి అనువదిస్తే.. “మరణమే లేని అన్న కళ్ళు” అవుతుంది. భగవద్గీతా సారాన్ని ఆధారంగా చేసుకొని స్త్వైగ్ ఈ కథను వ్రాశారు. ఈ కథకు The Eyes of the Eternal Brother అనే పేరుతోను The Eyes of My Brother, Forever అనే మరో పేరుతోను రెండు ఇంగ్లీష్ అనువాదాలున్నాయి. ఇంకా ఈ పుస్తకం స్పానిష్, జపనీస్ వంటి అనేక ప్రపంచ భాషల్లోకి కూడా అనువాదమయ్యింది. అలానే ప్రఖ్యాత రచయిత, పద్మశ్రీ పురస్కార గ్రహీత యాశ్‌పాల్ జైన్ గారు ఎప్పుడో పందొమ్మిది వందల నలభై ఎనిమిదిలోనే హిందీలోకి అనువాదం చేశారు. తెలుగులోకి 1999లో పొనుగోటి కృష్ణారెడ్డిగారు అనువదించారు. అయితే నేను చదివిన ఇంగ్లీషు, తెలుగు అనువాదాల్లో చిన్నపాటి భేదాలున్నాయి. తెలుగు అనువాదంలో నేరుగా కథ మొదలైతే, ఇంగ్లీషు అనువాదంలో భగవద్గీత కర్మయోగ సారాన్ని రెండు పంక్తుల్లో ముందుగా పేర్కొని, ఆపై రచయిత కథను మొదలుపెట్టినట్లుగా ఉంది. కిండిల్‌లో నాకు లభించిన జర్మన్ భాషలోని రెండు ప్రచురణల్లోను, అలానే స్పానిష్ అనువాదంలోను కూడా ఈ భగవద్గీతా సారానికి సంబంధించిన పంక్తులతోనే కథ మొదలయ్యింది. ఇక హిందీ అనువాదం ముందు మాటలో కూడా యాశ్‌పాల్ జైన్ గారు గీతా శ్లోకాలతోనే రచయిత ఈ కథను మొదలు పెట్టారని చెప్పారు. ఆ వివరాలను కథ చివరిలో చెప్పుకుందాం. నిజానికి భగవద్గీత కర్మయోగం ఆధారంగానే ఈ కథంతా నడుస్తుంది. నేను ఇంగ్లీషు అనువాదం నుండి కథను తెలుగులోకి అనువదించుకుని ఈ వీడియో చేస్తున్నాను. మక్కికి మక్కీ అనువాదంలా కాకుండా, అలా అని కథలోను, కథనంలోను ఎటువంటి మార్పులు చేర్పులు చేయకుండా, సరళంగాను, సంగ్రహం గాను ఈ కథ చెప్పడానికి ప్రయత్నిస్తున్నాను. #virat #Viraat #StefanZweig