KEGOC бизнесті трансформациялаудың кешенді бағдарламасын табысты іске асыруда скачать в хорошем качестве

KEGOC бизнесті трансформациялаудың кешенді бағдарламасын табысты іске асыруда

Электр желілерін басқаруда басты оператор саналатын KEGOC компаниясы инновацияға көңіл бөліп келеді. Өткен жылы ұлттық электр торабын жаңғырту мақсатында ауқымды жобаны қолға алды. Мәселен, 500 кВ «Солтүстік-Шығыс-Оңтүстік транзитін салу» жобасының бірінші кезеңі аясында жоғары вольтті 500 кВ «Екібастұз-Шүлбі-Өскемен» желілерінің құрылысын мерзімінен бұрын аяқтап, пайдалануға берген болатын. Шымкентте өткен ұжымдық есептік кездесуде компания басшысы Елбасының «Қазақстанның үшінші жаңғыруы: Жаһандық бәсекелестікке қабілеттілік» Жолдауында айтылған міндеттерді жұмысшыларға түсіндірді. KEGOC әлеуметтік жауапкершілік қағидаттарын ұстанатын компания тобына жатады. Компанияның 82%-ды құрайтын және өзгермейтін жоғары әлеуметтік тұрақтылық рейтингі, сонымен қатар әкімшілік-басқару персоналының қатыстырылу дәрежесінің 5%-ға өсіп, 73%-ды құрағаны әлеуметтік саясатының табысты екенін дәлелдейді. Есептік кездесуде басқарма басшысы ұлттық электр торабын жаңғырту мен ірі инвестициялық жобаларға тоқталды. Бақытжан Қажиев, «KEGOC» АҚ басқарма төрағасы: -Өткен жылғы қаржылық нәтижелеріміз жаман болған жоқ. Акцияларымыз аса өтімді болды. Бастысы, инвесторлар тарапынан қызығушылық бар. KEGOC акциялары KASE-де бір акция үшін 1300 теңге баға шегінен асып түсті. Бұл бастапқы орналастыру бағасынан 150 пайыздан артық. Ұлттық компания Қазақстанның үшінші жаңғыруын іске асыруға атсалысуда. Елбасының халыққа арнаған Жолдауын жіті талдаған KEGOC ұжымы әсіресе бес негізгі басымдық ішінен экономиканы жеделдетілген технологиялық жаңғырту мен бизнес ортаны түбегейлі жақсартуға ден қоймақ. Бақытжан Қажиев, «KEGOC» АҚ басқарма төрағасы: -Мемлекет басшысы халыққа арнаған Жолдауында Қазақстанның іске асыруы қажет деген бағыттарды атап көрсетті. Елімізде өткен бірнеше жаңғыртулар бізге үлкен табыстар мен жеңістер алып келді. Енді үшінші жаңғыртуға кірістік. Жолдау аясында жүзеге асқан «Сандық Қазақстан» бағдарламасы ел экономикасын алға жетелейтіні сөзсіз. «KEGOC» АҚ бизнесті трансформациялаудың кешенді және көлемді бағдарламасын табысты іске асыруда. Қазір компанияның 23 жобаны құрайтын жобалар портфелі түзілген. Онда қызмет тиімділігін арттыруға арналған бастамалар бар. Әрбір жоба KEGOC үшін аса маңызды. Авторлары: Нұрбек Байбосын, Нұрмахан Мұсатов, Нұрмахан Бекмұратов