Masallıda kəndirtoxuma sənətini Babayevlər ailəsi unutmağa qoymur скачать в хорошем качестве

Masallıda kəndirtoxuma sənətini Babayevlər ailəsi unutmağa qoymur

Qədim sənət növləri, onları yaşadanlarla bağlı vaxtaşırı efirimizdə müxtəlif süjetlər təqdim olunur. Amma kəndir toxuma sənətini yəqin ki çoz az adam eşidib. Masallının Digah kəndində yaşayan Babayevlər ailəsi elə bu sənətin davamçılarıdır. Babayevlər ailəsi nə az, nə çox düz üç yüz ilə yaxındır ki, kəndirtoxuma sənəti ilə məşğuldur. İxtisasca ali təhsilli iqtisadçı olan Fikrət Babayev deyir ki, bu sənət onlara ulu babalarından qalıb. Ailə çörək pulunu elə bu sənətdən çıxarır. Vaxtı ilə ərazidə bu işlə məşğul olanlar çox olduğundan Digah kəndinin keçmiş adı ciyəçilər olub. Ciyə sözunün mənası da elə kəndir deməkdir. Kəndirdən təsərrüfat və məişətdə geniş istifadə edilir. Azərbaycanda böyük gəmilərdə, sənayedə istifadə edilən kəndirlərin əksəriyyəti Digah sakinlərinin əl işidir. Kəndir Fikrət Babayev deyir ki, bu iplərin xam malı Azərbaycanda olmasına baxmayaraq məcburiyyət qarşısında qalaraq xaricdən gətirilmiş iplərdən də istifadə olunur. Müsahibimiz dəstək göstərilərsə, toxuduğu məhsulları hətta dünya bazarına çıxara biləcəyini deyir.