Valideynin məktəbdə bir günü скачать в хорошем качестве

Valideynin məktəbdə bir günü

Bakı şəhəri üzrə Təhsil idarəsi 28 yanvar 2019 -cu il tarixli F - 66 № -li əmrinə əsasən 21.02.2019 cu il tarixdə N.Yaqubov adına 120 nömrəli tam orta məktəbdə "Valideynin məktəbdə bir günü" adlı layihə həyata keçirildi. Layihənin sistematik və səmərəli keçirilməsinin təşkil olunması məqsədilə öncədən müvafiq tədbirlər planı hazırlanaraq təsdiq edilmişdir. Tədbirlər planına əsasən valideylərin hər birinə məktəb direktorunun imzası ilə dəvətnamələr hazırlanaraq təqdim olunmuşdur. 21.02.2019 -cu il tarixdə məktəbin foyesində layihənin rəsmi açılışı oldu. Layihə dövlət himninin səsləndirilməsi ilə başlandı. Daha sonra məktəbin direktoru valideynləri salamlayaraq layihənin planı haqqında qısaca məlumat verdi. Qabaqcadan müəyyən olunmuş istiqamətlər üzrə valideynlər məktəbin idman zalı, bufeti, hərbi kabineti, informatika kabinetləri, kitabxana, elektron kitabxana, laboratoriyalar, musiqi kabineti, akt zalı, muzey və fənn kabinetləri ilə tanış oldular. Saat 10:15 - dən etibarən valideynlər dərs prosesi zamanı siniflərə daxil olaraq tədris prosesi ilə yaxından tanış oldular. Saat 11:00-da məktəb direktoru, məktəbin psixoloqu, məktəbin təlim-tərbiyə işləri üzrə direktor müavini tərəfindən valideynlər üçün təşkil olunmuş seminara start verildi. Seminar zamanı valideynlərin məktəbdə apardıqları müşahidələr və tanışlıqda yaranmış təəssüratları müzakirə edildi. Məktəb direktoru seminarda çıxış edərkən uşaqları tərbiyə etmək onlarda yüksək motivasiyanın yaradılmasını təmin etmək üçün ən effektiv olan yöntəmlər barəsində fikirlərini bildirdi. Bu məqsədlə valideynlərə müxtəlif video çarxlar nümayiş etdirildi. Daha sonra təlim - tərbiyə işləri üzrə direktor müavini Əzizova Xəyalə seminarda məruzə edərək şagirdlərin təlim nailiyyətləri barədə müxtəlif məlumatları valideynlərin diqqətinə çatdırdı. Məktəbin psixoloqu H.Dilbər çıxış edərək şagirdlərin sağlam psixoloji vəziyyətinin onların inkişafına birbaşa təsir etdiyini vurğuladı. Saat 12:00 -da Beynəlxalq Ana dili gününə həsr olunmuş tədbir ilə layihəyə yekun vuruldu.