ផ្ញើកងចងដៃ - លោក សុះ ម៉ាត់ | Phnheu Kong Chong Dai - Sos Mat скачать в хорошем качестве

ផ្ញើកងចងដៃ - លោក សុះ ម៉ាត់ | Phnheu Kong Chong Dai - Sos Mat

ប្រវត្តិចម្រៀង ------ "ប្រវត្តិចម្រៀង" បទ "ផ្ញើកងចងដៃ" នេះគឺជាសំនៀងរបស់តារាចម្រៀង ខ្មែរ ចាម ដ៏ល្បីមួយរូប គឺ លោក សុះ ម៉ាត់ និងជាស្នាដៃនិពន្ធផ្ទាល់របស់លោកតែម្ដង ដែលមាន លោក ហេង ហួវ៉េង ជាអ្នកសម្រួលតន្ត្រី ហើយបទនេះត្រូវបានថតផ្សាយតាមវិទ្យុជាតិនៅក្នុងឆ្នាំ ១៩៦៩។ បទនេះគឺជាកម្រងរឿងពិតរបស់ស្មៀនម្នាក់កាលពីសម័យនោះ ដែលស្មៀនម្នាក់នោះមានទីលំនៅនៅម្ដុំបឹងត្របែក។ គួរបញ្ជាក់ផងដែរថា មុខងារជាស្មៀន កាលពីជំនាន់នោះមិនសូវជាមានប្រាក់ខែច្រើននោះទេ។ កាលនោះ បុរសជាស្មៀនតែងតែទៅហូបបង្អែមនៅម្ដុំសាលាបឹងត្របែក ហើយគាត់ក៏បានជាប់ចិត្តនឹងនារីលក់បង្អែមនោះតែម្ដង។ ក្រោយមក ពួកគេក៏បានសាងនូវអនុស្សវរីយ៍រួមគ្នាជាច្រើន ដោយគ្រាមួយ នាងម្នាក់នោះបាននិយាយថា "បើស្រលាញ់អូនមែន អូនចង់បានកងដៃមួួយ"។ បុរសជាស្មៀនគាត់បានតបវិញថា "មិនអីទេ ! បងនឹងខំប្រឹងធ្វើការដើម្បីទិញកងដៃនោះឲ្យបាន"។ ហេតុនេះបុរសជាស្មៀន បានខិតខំធ្វើការទាំងយប់ទាំងថ្ងៃ និងសន្សំសំចៃ ដើម្បីទិញកងដៃឲ្យបាន ប៉ុន្តែ ក្រោយកន្លងយូរខែយូរឆ្នាំ ទម្រាំតែស្មៀននោះទិញកងដៃបាន នារីម្នាក់នោះបានបាក់ចិត្តស្រលាញ់បុរសអ្នកមានផ្សេងម្នាក់ទៀតបាត់ទៅហើយ ដែលធ្វើឲ្យបុរសជាស្មៀននោះខកចិត្តឈឺចាប់យ៉ាងខ្លាំង។ នៅថ្ងៃរៀបការរបស់នារីម្នាក់ បុរសជាស្មៀនបានគិតថា បើទោះបីជាគាត់មិនបានទៅចូលរួមពិធី ក៏គាត់នឹងផ្ញើកងដែលបានទិញរួចហើយនោះទៅឲ្យនារីនោះដែរ។ ដូច្នេះគាត់ក៏ផ្ញើកងនោះទៅចងដៃថ្ងៃការរបស់នារីម្នាក់នោះ ព្រោះទោះបីជាមិនបាននារីម្នាក់នោះមកជាគូអនាគត យ៉ាងហោចណាស់ក៏អាចធ្វើឲ្យនារីម្នាក់នោះដឹងថា គាត់ពិតជាបានទិញកងដៃសម្រាប់នារីម្នាក់នោះមែន។ ដោយហេតុបុរសជាស្មៀនម្នាក់នោះមានរឿងខ្លោចផ្សាបែបនេះ គាត់ក៏បានយករឿងនោះទៅប្រាប់ លោក សុះ ម៉ាត់ ដែលនៅពេលនោះ​​ លោក សុះ ម៉ាត់ គឺជាអ្នកចម្រៀងប្រចាំនៅ វិទ្យុជាតិ។ រឿងរ៉ាវបែបនេះហើយ ទើប លោក សុះ ម៉ាត់បានតែងទាំងទំនុកច្រៀង និងបទភ្លេង និងបានថតផ្សាយតាម វិទ្យុជាតិ ក្នុងឆ្នាំ ១៩៦៩ ដែលបទនេះទទួលបានប្រជាប្រិយភាពយ៉ាងខ្លាំងនាពេលនោះ ដោយប្រជែងជានឹងបទ "ឧត្តមដួងចិត្ត" របស់ លោក ស៊ីន ស៊ីសាមុត។ -------- ស្រាវជ្រាវដោយ ៖ លោក សេង តារា    • ផ្ញើកងចងដៃ (សុះ ម៉ាត់) Phnheu Kong Chong Dai