ఆదివారం ఆరాధన // Message by పాస్టర్ బి. సతీష్ కుమార్ గారు // 08 మార్చ్ 2026 скачать в хорошем качестве

ఆదివారం ఆరాధన // Message by పాస్టర్ బి. సతీష్ కుమార్ గారు // 08 మార్చ్ 2026

తేదీ : 08 మార్చ్ 2026 ఆదివారం యేసుక్రీస్తు ప్రార్ధనా మందిరం పైడిభీమవరం వర్తమానికులు : పాస్టర్ బి. సతీష్ కుమార్ గారు అంశం*: *విశ్వాసములో ఏం ఉన్నది. మూలవాక్యం : . మార్కు 2:12 తక్షణమే వాడు లేచి, పరుపెత్తికొని, వారందరియెదుట నడచి పోయెను గనుక, వారందరు విభ్రాంతినొందిమనమీలాటి కార్యములను ఎన్నడును చూడలేదని చెప్పుకొనుచు దేవుని మహిమపరచిరి. ★ యేసయ్య కపెర్నహోములో పరిచర్య ప్రారంబించినపుడు విశ్వాసం కలిగిన కొందరు పక్షవాయువు కలిగిన వ్యక్తి స్వస్థత కొరకు తీసుకువచ్చారు యేసయ్య వారి విశ్వాసము చూచి అతనికి స్వస్థపరిచాడు. ★ పాపి పరిశుధ్ధునిగా మార్చబడాలి. 1. విశ్వాసములో ప్రార్ధన ఉన్నది. ★ ఆ వ్యక్తిని యేసయ్య వద్దకు తీసుకురావాలని వారు హృదయములో ప్రార్ధన చేస్తూ తీసుకువస్తున్నారు 2. విశ్వాసంలో ప్రేమ ఉన్నది. ★ప్రేమ ద్వారా అతనిని ప్రభువుదగ్గరకు నడిపించారు 3. విశ్వాసము లో కృపతో కూడిన సమాధానం ఉన్నది. ★ దేవుని కృపను సమాధానమును అందించాలని అతనిని యేసయ్య వద్దకు నడిపించారు. 4. విశ్వాసం లో నిరీక్షణ ఉన్నది. ★ నిరీక్షణ ఉన్నది కాబట్టి ఇంటి వాకిట స్థలం లేకపోయినా వారు అతనిని యేసయ్య వద్దకు నడిపించారు. 1. ప్రార్ధన కొలస్సీయులకు 2:2 నేను ఎంతగా పోరాడుచున్నానో మీరు తెలిసికొనగోరుచున్నాను. వారు ప్రేమయందు అతుకబడి, సంపూర్ణ గ్రహింపుయొక్క సకలైశ్వర్యము కలిగినవారై, దేవుని మర్మమైయున్న క్రీస్తును, స్పష్టముగా తెలిసికొన్నవారై, తమ హృదయములలో ఆదరణపొందవలెనని వారందరి కొరకు పోరాడుచున్నాను. కొలస్సీయులకు 2:12 మీరు బాప్తిస్మమందు ఆయనతో కూడ పాతిపెట్టబడినవారై ఆయనను మృతులలో నుండి లేపిన దేవుని ప్రభావమందు విశ్వసించుట ద్వారా ఆయనతో కూడ లేచితిరి. ★ కొలస్సీ సంఘము కొరకు పౌలు ప్రార్ధన చేస్తున్నాడు. ★ ప్రార్ధన వలన పోరాటము చేయగలుగుతారు. ★ ఆకాశం మండలములో ఉన్న సాతాను సమూహముతో,శరీర కార్యాలతో ప్రార్ధన ద్వారా పోరాటం చేయాలి. ★ మన విశ్వాసాన్ని కాపాడుకోవడానికి ప్రార్ధన అవసరం. ★ ప్రార్ధన మనలను క్రీస్తులో స్థిరపరుస్తుంది. మార్కు 9:23 అందుకు యేసు (నమ్ముట) నీవలననైతే, నమ్మువానికి సమస్తమును సాధ్యమేయని అతనితో చెప్పెను. మార్కు 9:24 వెంటనే ఆ చిన్నవాని తండ్రినమ్ముచున్నాను, నాకు అపనమ్మకముండకుండ సహాయము చేయుమని(కొన్ని ప్రాచీన ప్రతులలో-కన్నీళ్ళు విడిచి, అని కూర్చబడినది) బిగ్గరగా చెప్పెను. ★ కుమారుని పరిస్థితి చూసి తండ్రి విశ్వాసము సన్నగిల్లిపోతుంది యేసయ్య విశ్వాసముంచమని అతనికి తెలియజేసాడు. ★ పరిస్థితుల వైపు చూడకుండా యేసయ్య వైపు చూసేవారిగా ఉండాలి. ★ విశ్వాసము కలిగి ప్రార్ధన చేసే వారిగా ఉండాలి. ★ ప్రార్ధన సానుకూలమైన ఆలోచనను ( positive thinking ) మనలో పుట్టిస్తుంది. 2. ప్రేమ ఆదికాండము 29:20 యాకోబు రాహేలు కోసము ఏడు సంవత్సరములు కొలువు చేసెను. అయినను అతడు ఆమెను ప్రేమించుటవలన అవి అతనికి కొద్ది దినములుగా తోచెను. ★ యాకోబు రాహేలు ను ప్రేమించడం వలన అతనికి కష్టం తెలియలేదు. ★ మనము యేసయ్యను, సంఘాన్ని, వాక్యాన్ని, ప్రార్ధనను, పరిశుద్ధతను, పరలోకమును ప్రేమించే వారిగా ఉంటే ఎన్ని కష్టాలు వచ్చానా విశ్వాసము కలిగి ముందుకు ప్రయాణము చేస్తాము. సామెతలు 8:21 నన్ను ప్రేమించువారిని ఆస్తికర్తలుగా చేయుదును వారి నిధులను నింపుదును. ★ ప్రేమ కలిగి ఉంటే దేవుడు మనలను ఆస్థికర్తలుగా తయారుచేస్తారు. సామెతలు 10:12 పగ కలహమును రేపును ప్రేమ దోషములన్నిటిని కప్పును. ★ దేవుని ప్రేమ మనలో ఉంటే ఇతరులు మీద నిందలు వేయము. సామెతలు 26:23 చెడు హృదయమును ప్రేమగల మాటలాడు పెద వులును కలిగియుండుట మంటి పెంకుమీది వెండి పూతతో సమానము. ★ చెడు హృదయము ప్రేమ ఒక చోట ఉండవు. 3.కృపతో కూడిన సమాధానం మార్కు 9:50 ఉప్పు మంచిదేగాని ఉప్పు నిస్సారమైన యెడల దేనివలన మీరు దానికి సారము కలుగుజేతురు? మీలో మీరు ఉప్పుసారము గలవారై యుండి యొకరితో ఒకరు సమాధానముగా ఉండుడని చెప్పెను. ★ ఉప్పు పదార్ధాలను చెడిపోకుండా చేస్తుంది అట్టి విధముగా మన విశ్వాసం జీవితంలో సమాధానం మనలను చెడిపోకుండా చేస్తుంది కావున అందరితో సమాధానం కలిగి ఉండాలి. కీర్తనలు 33:19 యెహోవా దృష్టి ఆయనయందు భయభక్తులుగలవారి మీదను ఆయన కృపకొరకు కనిపెట్టువారిమీదను నిలుచు చున్నది. ★ భయభక్తులు కలిగి దేవుని కృప కొరకు కనిపెట్టే వారిగా ఉండాలి. 2కోరింథీయులకు 12:9 అందుకునా కృప నీకు చాలును, బలహీనతయందు నాశక్తి పరిపూర్ణమగుచున్నదని ఆయన నాతో చెప్పెను. కాగా క్రీస్తు శక్తి నామీద నిలిచియుండు నిమిత్తము(లేక,నన్ను కప్పునిమిత్తము) , విశేషముగా నా బలహీనతలయందే బహు సంతోషముగా అతిశయపడుదును. ★ మన జీవితం ఎప్పుడయితే ప్రార్ధన ఉంటుందో దేవుని కృపకొరకు కనిపెట్టే వారిగా సంఘముతో,దేవునితో,వాక్యముతో,సేవకునితో సమాధానం కలిగి ఉంటామో మన జీవితంలో కృపతో కూడిన సమాధానం ఉంటుంది. 4. నిరీక్షణ యెషయా 51:5 నేను ఏర్పరచు నా నీతి సమీపముగా ఉన్నది నేను కలుగజేయు రక్షణ బయలుదేరుచున్నది నా బాహువులు జనములకు తీర్పుతీర్చును ద్వీపవాసులు నా తట్టు చూచి నిరీక్షణ గలవా రగుదురు వారు నా బాహువును ఆశ్రయింతురు. మనము విశ్వాస జీవితంలో ఎన్ని కష్టాలు వచ్చినా దేవుడు మన జీవితంలో కార్యము జరిగిస్తాడు అని నిరీక్షణ కలిగి ఉంటే దేవున్ని ఆశ్రయించే వారిగా మారుతాము‌. ★ దేవుడు మన ఆశ్రయం ఉంటే గొప్ప కార్యాలు జరిగిస్తాడు. రోమీయులకు 4:18 నీ సంతానము ఈలాగు ఉండునని చెప్పినదానినిబట్టి తాననేక జనములకు తండ్రి యగునట్లు, నిరీక్షణకు ఆధారము లేనప్పుడు అతడు నిరీక్షణ కలిగి నమ్మెను. ★ దేవుడు మన నిరీక్షణ జీవితానికి ఆధారముగా ఉంటాడు. రోమీయులకు 5:2 రోమీయులకు 5:5 ★ నిరీక్షణ ఉంటే దేవుడు మనలను సిగ్గు పరచకుండా ఆశీర్వాదం కలుగజేస్తాడు. మార్కు 2:5 యేసు వారి విశ్వాసము చూచికుమారుడా, నీ పాపములు క్షమింపబడియున్నవని పక్షవాయువుగలవానితో చెప్పెను. ★ పై నాలుగు కార్యాలు ద్వారా గొప్ప కార్యము పక్షవాయువు కలిగిన వ్యక్తి జీవితంలో జరిగింది.