Bəxtiyar Vahabzadə - Kimdir mənim düşmənim? скачать в хорошем качестве

Bəxtiyar Vahabzadə - Kimdir mənim düşmənim?

Şeir: Bəxtiyar Vahabzadə - Kimdir mənim düşmənim? Səsləndirmə: Məleykə Əsədova Biraddımla'ya YouTubeda abunə olmaq: https://bit.ly/3gsJpm1 Biraddımla'nın sosial şəbəkə ünvanları: Instagram: https://bit.ly/3gsKkms Facebook: https://bit.ly/3GoODKl TikTok: https://bit.ly/3r3sAHt Telegram: https://bit.ly/3unQMn8 E-poçt: biraddimlayol@gmail.com BƏXTİYAR VAHABZADƏ - KİMDİR MƏNİM DÜŞMƏNİM? Kimdir mənim Ən qorxulu düşmənim? Kaş biləydim bunu mən. O zərbə vurmamışdan Kəsəydim yolunu mən. Kimdir mənim Düşmənim? Yaxşımı qoyub Yamanımı danışanmı? Yox! Eyblərimi deyib Arxamca gülənmi? Yox!.. Mənim nöqsanlarımı Məndən yaxşı bilənmi? Yox! Yox! Yox! Onların gözlərini Taxaydım öz gözümə. Özgələrin gözüylə Baxaydım öz-özümə. Bacarsaydım bunu mən Bu dünyada nə dərdim... Mən onda öz-özümü Daha yaxşı görərdim. Onda eyiblərimə Özüm düşmən olardım; Görsəydim öz-özümü, Onda mən, mən olardım! Ah!.. Məni məndən gözəl Görə bilən dostlarım, Arxamca qəh-qəh çəkib Mənə gülən dostlarım, Gülün, elə gülün ki, Çatsın qulaqlarıma Sizin gülüşləriniz. Yamanımı danışın, Elə danışın ki, siz Mən də xəbərdar olum. Danışın, qoymayın ki, Mən özümə vurulum. Ən qorxulu düşmənin Gələrəm öhdəsindən, Ancaq özüm özümlə Bacara bilmirəm mən, Bacara bilmirəm mən. Özüm öz əllərimlə Bir gün bal içirəmsə, Bir gün zəhər içirəm. Mən həyat yollarından Ayaqlarımla deyil, Əqidəmlə keçirəm. Aprel, 1960 İsfəndiyar Vahabzadə: “... Bəxtiyar Vahabzadə ağlı kəsəndən dünyasını dəyişənə qədər "millət”, "vətən”, "dil” deyib. Elə məqamlar var, deyə bilərəm ki, millət onu yetərincə tanıyır, elə məqamlar var ki, deyə bilərəm tanımır. O, övladlarını da millətin yolunda qurban verməyə hazır idi. Onun millət azarına demək olar ki, mən də tutulmuşam. Atam həmişə deyirdi ki, "oğul, mənə baxma, mənə keçərlər, sənə keçməzlər”. Ancaq ona baxmayaraq, mənimçün də birinci yerdə vətən və millət durur. Bəxtiyar Vahabzadəni də bu mənada millət həm tanıyır, həm də tanımır. Bəlkə də sağlığında layiq olduğu yeri də almayıb. Atamın həmişə mənə dediyi bir söz vardı: "Vətən anadır, millət atadır, onların heç birini bir-birindən ayırmaq olmaz”. Ancaq birinci yerdə ata, ikinci anadır, yəni birinci millət, sonra vətən. Bu, mənim özümdə də belədir. Mənimçün də birinci atam olub həmişə. Mən onu ata kimi sevməmişəm, ilahi biri kimi, peyğəmbər kimi sevmişəm. İllər öncə mən çox pis xəstələnmişdim, həkimlər xərçəngdən şübhələnirdilər. Hamı təlaş içində idi, mənsə, arxayın idim ki, atam onsuz da məni ölməyə qoymaz. Ona bu dərəcədə güvənirdim, inanırdım...” #bəxtiyarvahabzadə #kimdirmənimdüşmənim #isfəndiyarvahabzadə #məleykəəsədova #biraddimla #biraddimlayol