NUG ပညာရေးဘုတ်အဖွဲ့ တာဝန်ခံ လုပ်ကြံ သတ်ဖြတ်ခံရ၊ скачать в хорошем качестве

NUG ပညာရေးဘုတ်အဖွဲ့ တာဝန်ခံ လုပ်ကြံ သတ်ဖြတ်ခံရ၊

ကနီမြို့နယ် NUG ပညာရေးဘုတ်အဖွဲ့ တာဝန်ခံ၊ ဇနီးနဲ့ လသားကလေးငယ်တို့ မိသားစုဝင် သုံးဦး နေအိမ်ထဲမှာ လုပ်ကြံ သတ်ဖြတ်ခံရ၊ မောင်သက်/MFP၊ နိုဝင်ဘာ - ၇ စစ်ကိုင်းတိုင်း ကနီမြို့နယ်၊ အမျိုးသား ညီညွတ်ရေးအစိုးရ (NUG) ပညာရေးဘုတ်အဖွဲ့ တာဝန်ခံ ဆရာဦးဝင်းဌေး၊ ဇနီးသည် ဒေါ်ခြိမ့်ခြိမ့်သဲဝေနဲ့ သုံးလအရွယ် သမီးငယ် မရွှေဝတ်ရည်လွှာတို့ မိသားစုဝင် သုံးဦး နိုဝင်ဘာလ ၄ရက် ညပိုင်းက နေအိမ်ထဲမှာပဲ လုပ်ကြံ သတ်ဖြတ်ခံရတယ်လို့ ဒေသခံ သတင်းရင်းမြစ်တွေက MFP ကို ပြောပါတယ်။ ကနီမြို့နယ် ပညာရေးဘုတ်အဖွဲ့ တာဝန်ခံဖြစ်သူ အသက် ၄၀ ဝန်းကျင်အရွယ် ဆရာဦးဝင်းဌေးဟာ မိသားစုနဲ့အတူ ကနီမြို့နယ် တပုန်းကျေးရွာမှာ အိမ်ငှားနေထိုင်ပြီး နိုဝင်ဘာ ၄ရက် ညအချိန် မိသားစုလိုက် လုပ်ကြံသတ်ဖြတ်ခြင်း ခံခဲ့ရကာ ဘေးပတ်ဝန်းကျင်က နိုဝင်ဘာ ၅ ရက် မွန်းလွဲ ၁နာရီမှာမှ လုပ်ကြံခံရမှန်း စသိခဲ့ရတယ်လို့ ဆိုပါတယ်။ "ဆရာတို့ မိသားစု လုပ်ကြံခံရတာကို အိမ်နီးချင်း ကလေးက စသိတာ။ ကလေးက သူ့မိသားစုကို လာပြောတော့ လူကြီးတွေက လိုက်ကြည့်ကြတယ်။ ကုတင်ပေါ်မှာ အလောင်းတွေ တွေ့ရတော့တာပါပဲ။ ဆရာက အနေအထား မပျက်၊ ဓားနဲ့ ထိုးခံထားရတယ်။ သူ့အမျိုးသမီး မခြမ့်ခြိမ့်သဲဝေကတော့ ကုတင်ပေါ်ကနေ ဇောက်ထိုးအနေထားနဲ့ ဓားဒဏ်ရာတွေနဲ့ တွေ့ရတယ်။ ကလေးကိုတော့ လည်ပင်း ဓားနဲ့ လှီးသွားတာ” လို့ ဒေသခံ အမျိုးသားတစ်ဦးက MFP ကို ပြောပါတယ်။ ဓားနဲ့လည်ပင်းလှီးဖြတ် အသတ်ခံခဲ့ရတဲ့ ဆရာဦးဝင်းဌေးရဲ့ သမီးလေးဟာ အသက် လေးလအရွယ်သာ ရှိသေးပြီး အော်တိုဘာလ ၂၀ ရက်ကမှ ရက် ၁၀၀ ပြည့် မွေးနေ့ပွဲ ပြုလုပ်ခဲ့တာ ဖြစ်တယ်လို့ ဒေသခံတွေက ဆိုပါတယ်။ "ကြားကြားချင်း စိတ်မကောင်းဖြစ်တယ်။ စိတ်တိုမိတယ်။ တော်လှန်ရေးကာလတွင်း လုပ်ကြံခံရတာတွေ ကြားခဲ့ရပေမယ့် မိသားစုလိုက် အသတ်ခံရတာ ဒါပထမဆုံးလို့ ပြောရမှာဗျ။ ကလေးနဲ့ အမျိုးသမီးပါ လုပ်ကြံတာတော့ အတော် ရက်စက်တာပဲဗျာ။ ကလေးဆို ရက် ၁၀၀ ပြည့် မွေးနေ့လုပ်ပြီးတာမှ မကြာသေးဘူး" လို့ ဒေသခံ ပညာရေး CDM တစ်ဦးက ပြောပါတယ်။ မိသားစုလိုက် လုပ်ကြွသတ်ဖြတ်ခံရတဲ့ ကနီမြို့နယ် ပညာရေးဘုတ်အဖွဲ့ တာဝန်ခံကို နိုဝင်ဘာလ ၅ရက် ညနေပိုင်းမှာ ဆေးစစ်ချက် ယူဖို့ ကနီမြို့နယ် ပြည်သူ့အုပ်ချုပ်ရေးအဖွဲ့ - ပအဖ အဖွဲ့ဝင်တွေက သယ်ဆောင် သွားတယ်လို့ ဆိုပါတယ်။ လက်ရှိမှာတော့ တရားခံ မပေါ်သေးဘဲ NUG ရဲ့ ကနီမြို့နယ် ပအဖ က အမှုမှန် ပေါ်ပေါက်ဖို့ ကြိုးစားနေပါတယ်။ ကနီမြို့နယ် ပညာရေးဘုတ်အဖွဲ့ တာဝန်ခံ ဆရာဦးဝင်းဌေးတို့ မိသားစုတို့ လုပ်ကြံသတ်ဖြတ်ခံရမှုနဲ့ ပတ်သက်ပြီး တရား မျှတမူ ရရှိရေး ကြိုးပမ်းမယ်လို့ NUG ပညာရေး ဝန်ကြီးဌာနက နိုဝင်ဘာလ ၅ရက်မှာ ထုတ်ပြန်ပါတယ်။ “အမှန်တရားဘက်မှ ရပ်တည်ပြီး တိုင်းပြည်ကောင်းကျိုး၊ ဒေသကောင်းကျိုးအတွက် ကိုယ်ကျိုး မဖက်ဘဲ ဆောင်ရွက်နေသူ ဆရာနှင့် သူ၏ မိသားစုအား ယခုကဲ့သို့ တရားလက်လွတ် ရက်ရက်စက်စက် မတရား သတ်ဖြတ်ခံရခြင်း အမှုနှင့် ပတ်သက်၍ မည်သည့် လူပုဂ္ဂိုလ် တစ်ဦးတစ်ယောက်က ဖြစ်စေ၊ မည်သည့် အဖွဲ့အစည်း တစ်ခုခုက ဖြစ်စေ ကျူးလွန်ခြင်းကို အပြင်းအထန် ကန့်ကွက်ရှုတ်ချပြီး အသေးစိတ် မှတ်တမ်းတင်လျက် သေဆုံးခဲ့ရသူများအတွက် တရားမျှတမှု ရရှိနိုင်ရန် ထိထိရောက်ရောက် ကြိုးပမ်း ဆောင်ရွက်သွားမည် ဖြစ်ပါကြောင်း ကတိပြုပါသည်” လို့ NUG ပညာရေးဝန်ကြီးဌာနက ဆိုပါတယ်။ စစ်ကိုင်းတိုင်း၊ ယင်းမာပင်ခရိုင်၊ ကနီမြို့ကို သိမ်းပိုက်နိုင်ဖို့ ယင်းမာပင်ခရိုင် တော်လှန်ရေး တပ်ပေါင်းစုက ယခု ၂၀၂၄ မတ်လ ၂ရက်ကနေ ၁၂ရက်အထိ ၁၀ရက်ကျော်ကြာ မြို့သိမ်းတိုက်ပွဲ ဆင်နွှဲခဲ့ပေမယ့် မြို့ကို အပြီးသတ် မသိမ်းပိုက်နိုင်ခဲ့ပါဘူး။ လက်ရှိမှာ စစ်အုပ်စုက ကနီမြို့ကို စီးနင်းထားကာ ထင်တိုင်းကျဲ လူသတ်တာ၊ လုယက်တာ၊ မီးရှို့တာ၊ ဖျက်ဆီးတာတွေ လုပ်နေပြီး စစ်အုပ်စု ရန်ကြောင့် မြို့ခံပြည်သူတွေ ထွက်ပြေးနေရကာ နီးစပ်ရာ ကျေးရွာတွေမှာ ခိုလှုံနေရတာ ဖြစ်ပါတယ်။ မိသားစုလိုက် လုပ်ကြံသတ်ဖြတ်ခြင်း ခံခဲ့ရတဲ့ စစ်ကိုင်းတိုင်း ကနီမြို့နယ် ပညာရေး ဘုတ်အဖွဲ့တာဝန်ခံ ဆရာ ဦးဝင်းဌေးတို့ မိသားစုကို တွေ့ရစဉ်/Photo – CJ MFP ရဲ့ သတင်း၊ ဆောင်းပါးနဲ့ ရုပ်သံတွေကို အောက်ပါ ချန်နယ်တွေမှာလည်း ကြည့်နိုင်ပါတယ်။ Website - https://mandalayfreepress.com Youtube -    / @mandalayfreepressmfp   Telegram - https://t.me/mandalayfreepress Facebook -   / mandalayfreepress   #Mandalay_Free_Press_MFP