ARALINGPANLIPUNAN01L29: Mga Paglilingkod at Serbisyo sa Aking Komunidad (Ikalawang Bahagi) скачать в хорошем качестве

ARALINGPANLIPUNAN01L29: Mga Paglilingkod at Serbisyo sa Aking Komunidad (Ikalawang Bahagi)

MGA LAYUNIN 1. Matatalakay ang kahalagahan ng mga paglilingkod o serbisyo ng komunidad upang matugunan ang pangangailangan ng mga kasapi nito 2. Matutukoy ang iba pang tao na naglilingkod at ang kanilang kahalagahan sa komunidad KINAKAILANGANG PAUNANG ARALIN NILALAMAN NG ARALIN Mga Taong Nagbibigay Serbisyo o Paglilingkod Tubero Ang pagkakaroon ng tubig, na ating kailangan sa araw-araw, ay kanilang tinutugunan. Sila ang tumutulong upang magkaroon tayo ng maayos na daloy ng tubig. Elektrisyan Sila ang tumutulong upang magkaroon tayo ng maayos na daloy ng kuryente. Sila din ang nagkukumpuni at nag-aayos ng mga sirang kable ng kuryente. Nars, Dentista, at Doktor Isang kayamanan ang pagiging malusog. Mas mahalaga ito sa mga materyal na bagay. Hindi magiging ganap na masaya ang ating buhay kung tayo ay may sakit o sakitin. Para matugunan ang mga pangangailangang pangkalusugan, may mga taong tumutulong sa pamamagitan ng kanilang tapat na paglilingkod. Sila ang mga nars, dentista, doktor, at iba pang tauhan ng sentrong kalusugan. Sila ay nagsisikap na maging ligtas tayo sa anumang sakit o karamdaman.Tinutulungan nila tayong maging masigla at malusog. Pulis, Sundalo, at Barangay Tanod Sila ang mga tumutulong upang maging tahimik at maayos ang ating pamayanan. Pinapanatili nilang maayos at mapayapa ang ating paligid. Guro Ang mga guro ang siyang nagtuturo sa mga bata ng tamang pagbasa, pagbilang, at pagsulat. Itinuturo din nila sa mga bata ang kagandahang asal. Bumbero Ang mga bumbero ang pumapatay sa sunog upang hindi madamay ang maraming bahay o gusali. Itinuturo din nila kung paano maiiwasan ang pagkakaroon ng sunog. Inhinyero at Arkitekto Sila ang gumagawa ng plano ng mga bahay at gusali. Tinitiyak nilang maayos ang plano ng mga estruktura sa pamayanan. Karpintero Ang mga karpintero ay katuwang ng mga arkitekto at inhinyero sa pagtatayo ng mga bahay at gusali. Tinitiyak nilang matibay at ligtas ang mga estruktura sa pamayanan. Barbero Ang mga barbero ay tumutulong upang maging maayos ang ating hitsura. Iniaayos nila ang ating buhok upang maging presentable tayo sa ibang tao.