Prolongohet seanca për rastin “Durmo Tours” | Klan Macedonia скачать в хорошем качестве

Prolongohet seanca për rastin “Durmo Tours” | Klan Macedonia

#durmoturs #rasti #autobusi #rmv FAMILJARËT: PO BLIHET KOHË QË PROCESI TË ZVARRITET Seanca gjyqësore për rastin “Llaskarcë”, që ishte caktuar të mbahet sot në Gjykatën Penale në Shkup, është prolonguar, për shkak të mungesës së ekspertit, Zekirja Zekiri, i cili duhej të vazhdonte dëshminë në lidhje me super – ekspertizën e bërë për këtë rast. Eksperti Zekiri, përmes anëtarëve të tjerë të ekipit që e përgatiti superekspertizën, ka njoftuar se për shkaqe shëndetësore nuk do të vijë në seancën gjyqësore të caktuar për sot, me çka, sic percjell KlanM, prokurori publik Darko Jakimovski, kërkoi nga gjykata që të shtyhet seanca e sotme. Familjarët e revoltuar nga zvarritja e këtij procesi, akuzuan se kjo po bëhet qëllimisht. “Kjo sot është skenar i trilluar nga ana e ekspertëve që eksperti i ashtuquajtur doktor shkence, menjëherë të sëmurët brenda natës, pa paraqitur në gjykatë dëshmi dhe dokumentacion, edhe pse sipas ligjit një person i ftuar, cili do qoftë, ekspert apo dëshmitar, duhet të arsyetojë mungesën e tij” – tha Blagojçe Trpevski, familjar. Blagojçe Trpevski, babai i të ndjerit, Jovica Tërpevski në aksidentin afër Llaskarcës tha se, mosardhja e dëshmitarit tregon se po blihet kohë me qëllim që ky proces të vonohet dhe ai të mos pyetet më tej nga ana e Prokurorit. “Ky ekspert në dy seancat e kaluara dëshmoi se nuk din t’i përgjigjet pyetjeve më të thjeshta të prokurorisë. Asnjëherë në jetë nuk ka bërë ekspertizë për një lëndë të këtillë. Dy vite ka licencë për ekspertizë, nuk di të lexojë shirita tahografike, si të besojmë ne të dëmtuarit se kjo ekspertizë që e ka bërë byroja dhe ai ekspert është e qëndrueshme dhe është bërë në mënyrë profesionale” – tha Blagojçe Trpevski, familjar. Gjykimi për rasti “Durmo turs” filloi në shtator të vitit 2019 dhe prej atëherë janë zhvilluar mbi 100 seanca gjyqësore. Në këtë rast gjyqësor, janë të akuzuar 6 persona; pronari i “Durmo Tursit” Durmish Beluli, përgjegjësi për transport i firmës, Remzi Miftari, vozitësi i autobusit, Manoil Trifunovski, si dhe tre të punësuar në kontrollin teknik Igor Gjorgjievski, Goran Dukovski dhe Jane Bovarski. Tre të parët ngarkohen për vepra të rënda kundër sigurisë së njerëzve dhe pronës në trafik, derisa të tjerët për bashkëpjesëmarrje në veprën e njëjtë. Në aksidentin tragjik në Llaskarcë që ndodhi më 13 shkurt të vitit 2019 humbën jetën 16 persona, ndërsa mbi 30 të tjerë pësuan lëndime të rënda. /KlanMacedonia/ Përgatiti: Teuta Buçi Follow Klan Macedonia on... • FB: https://smarturl.it/KlanMacedoniaFB • IG: https://smarturl.it/KlanMacedoniaIG • YT: https://smarturl.it/KlanMacedoniaYT • WEB: http://klanmacedonia.mk/ © & ℗ Klan Macedonia & IN Media. All Rights Reserved