ಬಂಡೀಪುರದಲ್ಲಿ ಸಫಾರಿ ಪುನಾರಂಭ | ಸಫಾರಿ ಪ್ರಿಯರಲ್ಲಿ ಮಂದಹಾಸ скачать в хорошем качестве

ಬಂಡೀಪುರದಲ್ಲಿ ಸಫಾರಿ ಪುನಾರಂಭ | ಸಫಾರಿ ಪ್ರಿಯರಲ್ಲಿ ಮಂದಹಾಸ

ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಸಫಾರಿ ಪುನಾರಂಭಗೊಂಡಿದ್ದು, ಸಫಾರಿ ಪ್ರಿಯರಿಗೆ ಸಂತಸ ಮೂಡಿಸಿದೆ. ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶ ದೇಶದಲ್ಲಿಯೇ ಅಪಾರ ಪ್ರಮಾಣದ ವನ್ಯಜೀವಿ ಸಂಪತ್ತನ್ನು ಒಳಗೊಂಡಿದೆ. ಅತಿ ಹೆಚ್ಚು ಆನೆ, ಹುಲಿ ಹೊಂದಿರುವ ಜೀವವೈವಿದ್ಯತೆಯ ಸೊಬಗನ್ನು ವೀಕ್ಷಿಸಲು ದೇಶ ವಿದೇಶಗಳಿಂದ ಪ್ರವಾಸಿಗರು ಆಗಮಿಸಿ ಇಲ್ಲಿನ ಪ್ರಕೃತಿಯನ್ನು ಕಣ್ತುಂಬಿಕೊಳ್ಳುತ್ತಾರೆ. ಜಿಂಕೆ, ಕಡವೆ, ಕೆನ್ನಾಯಿ, ಚಿರತೆ, ಸಿಂಗಳೀಕ, ಕಾಡು ಹಂದಿ ಸೇರಿದಂತೆ ಹೆಚ್ಚಿನ ಕಾಡು ಪ್ರಾಣಿಗಳನ್ನು ಇಲ್ಲಿ ಕಾಣಬಹುದಾಗಿದೆ. ಜೊತೆಗೆ ಬಿಳಿಗಿರಿರಂಗನಾಥ ಸ್ವಾಮಿ, ಮದುಮಲೈ ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶ ಹಿಮವದ್ ಗೋಪಾಲಸ್ವಾಮಿ ಬೆಟ್ಟಗಳ ಸಾಲಿನ ಕೊಂಡಿಗಳನ್ನು ಸುತ್ತುವರೆದಿದ್ದು, ಸಫಾರಿ ಪ್ರಿಯರಿಗೆ ಉತ್ತಮ ಪ್ರೇಕ್ಷಣೀಯ ಸ್ಥಳವಾಗಿದೆ. ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಕಳೆದ ಮೂರು ತಿಂಗಳಿನಿಂದ ಸ್ಥಗಿತಗೊಂಡಿದ್ದ ಸಫಾರಿಯನ್ನು ಸರ್ಕಾರ ಪುನಾರಂಭ ಮಾಡಿರುವುದರಿಂದ ಪ್ರವಾಸಿಗರಲ್ಲಿ ಮಂದಹಾಸ ಮೂಡಿದೆ. ದೂರದರ್ಶನದೊಂದಿಗೆ ಪ್ರವಾಸಿಗ ಪ್ರಗ್ನಾ ನಾಯಕ್, ಸರ್ಕಾರ ಸಫಾರಿಯನ್ನು ಪುನಾರಂಭ ಮಾಡಿರುವುದು ಪ್ರಕೃತಿ ಪ್ರಿಯರಿಗೆ ಸಂತಸವಾಗಿದೆ ಎಂದರು. ಮತ್ತೋರ್ವ ಪ್ರವಾಸಿಗರಾದ ಆದ್ಯ, ಸಫಾರಿಯಲ್ಲಿ ವಿವಿಧ ಬಗೆಯ ಪ್ರಾಣಿಗಳ ವೀಕ್ಷಣೆ ಖುಷಿ ತಂದಿದೆ ಎಂದರು. ಪ್ರವಾಸಿಗ ಪ್ರಭಾಕರ್, ಕುಟುಂಬ ಸಮೇತ ಸಫಾರಿ ವೀಕ್ಷಿಸಲು ಬಂದಿದ್ದು, ಇಲ್ಲಿನ ವನ್ಯ ಸಂಪತ್ತು, ಪ್ರಾಣಿಗಳನ್ನು ನೋಡಿ ಸಂತಸವಾಗಿದೆ ಎಂದು ಹೇಳಿದರು. ಬಂಡೀಪುರ ಸಫಾರಿ ಕೇಂದ್ರದ ಉಪವಲಯ ಅರಣ್ಯಾಧಿಕಾರಿ ಗಜೇಂದ್ರ, ಸರ್ಕಾರದ ನಿರ್ದೇಶನದಂತೆ ಫೆಬ್ರವರಿ 22 ರಿಂದ ಶೇಕಡ 50 ರಷ್ಟು ವಾಹನಗಳೊಂದಿಗೆ ನಿಯಮಾನುಸಾರ ಸಫಾರಿ ಪುನರಾರಂಭಿಸಲಾಗಿದೆ. ಸಾರ್ವಜನಿಕರ ಸುರಕ್ಷತೆಗೆ ಕ್ರಮವಹಿಸಲಾಗಿದೆ ಎಂದು ತಿಳಿಸಿದರು. #LiveDDChandanaNews #DDChandanaNews #DDChandana #DDKannada