25.07.2024 Франция🇫🇷 Париж💕 Олимпиада 2024! Велосаяхат Ақтау-Париж 👍 скачать в хорошем качестве

25.07.2024 Франция🇫🇷 Париж💕 Олимпиада 2024! Велосаяхат Ақтау-Париж 👍

25.07.2024 Франция🇫🇷 Париж💕 Олимпиада 2024! Велосаяхат Ақтау-Париж 👍 Bringing Peace to Olympic 💕 Париж іргесіндегі “Новотель” қонақ үйінен орталықтағы “Триумфальная арка” қақпасына жолға шықтық. Бұл жерде Қазақстанның Франциядағы елшілігі ХХХIII жазғы олимпиада ойындарына қатысушы еліміздің спортшыларын қолдауға келе жатқан бізді салтанатты түрде күтіп алу рәсіміне шақырды. Көшеге топпен алып шыққан оқушыларға дейін үстіне көзге жарыққа ерекше көрінетін жасыл күртешелер кигізіп қояды екен. Біз жол ортасына келген жердегі бір кафеден мұздай кола ішіп шөлімізді бастық. Бұл кафеде отырған көпшілік, үлкен-кішілерлің олимпиадамен шаруасы жоқ, өздерімен өздері, әңгімелерін айтып, демалып отыр. Бір жас жігіт менің велоформамды көріп, “ О, Марк Кэвендиш” деп бас бармағын шошайтып менімен селфиге түсті. Мен де не дерімді білмей сасып қалдым, суретке де түсіріп үлгермей қалдым. Біз алға жүріп, оң жағымыздағы үлкен ескі қорым-бейіт іргесімен жүрдік. Сонау 1910 жылдардан бері қайтқан кісілердің тізімі алфавит бойынша ұқыпты жазылған. Біз сияқты даланың адамына Парижде велосипед айдау өте қиын екен. Осы 22 шақырым күнделікті айдап жүрген 100 шақырымнан оңай соққан жоқ. Сонадайдан Триумф қақпа да көрінді. Біз бір құрмет айналымын жасап, жиналып тұрған көпшіліктің ортасына тоқтадық. Алыс-жақыннан келген қонақтар Париж қаласындағы Қазақ диаспорасы өкілдері, елшілік қызметкерлері еліміздің көк туын желбіретіп қарсы алды. Жалпы қауіпсіздік шараларын сақтау үшін қақпа айналасында тәртіп сақшылары өте көп. Бізді қысқаша келу рәсімінен кейін дәл іргеде орналасқан Қазақстан елшілігіне дастарханға шақырды. Париждегі Қазақстан елшілігі өте әдемі 5 қабат ғимаратқа орналасқан. Ғимарат маңдайында Қазақстанның көк туы. Биік шарбақтан кірген бойдан алдымыздан күтіп тұрған елші Арыстанбекова Гүлсара Мерейқызы "Қазақстан елінің Париждегі бөлшегіне қош келдіңіздер!" деп қарсы алды. Бізді төрдегі киіз үй керегесіне ұқсас сахнаға шығарып, жылы сөздерін арнап, олимпиада жейдесін сыйлады. Қолдап еріп келген немерем Айдияға да олимпиада талисманы - француздардың дәстүрлі қалпағын сыйға тартты. Кішкентай бүлдіршіндермен бірге олимпиадаға қатысушы спортшыларға флэшмоб арнадық. Бізді алаң төріне жайылған фуршет төріне шақырды. Елшілікке Қазақстанның спорт және туризм министрі Маржықпаев Ермек Боранбайұлы келіп бізбен кездесіп өзінің жылы лебізін білдірді. Жалпы олимпиада ойындарына келген спортшылар қызу дайындық үстінде екенін айта келіп, осы өзімізге бұйырған лицензиядан қомақты нәтиже шығаруға жұмыстанамыз деді. Үлкен міндет арқалаған азаматқа біз де сәттілік тілегімізді білдірдік. Елшілік ішінде баспасөз үшін қысқаша сұхбат беріп, біз де алдын-ала келіскен мекен-жайымызға қарай қозғалдық. Ертең Париж олимпиадасы басталады! Барша қатысушы спортшыларымыз бен бапкерлерімізге сәттілік тілейміз! Раббим, Айзада, Данышпан, Ая, Айдия.