ახალი ინფრასტრუქტურა ლოჭინში скачать в хорошем качестве

ახალი ინფრასტრუქტურა ლოჭინში

ლოჭინის სატრანსპორტო კვანძთან მალე მომსახურებისა და დასვენების ახალი კომპლექსი ამოქმედდება. დღეს, საქართველოს რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა თბილისის შემოსავლელ გზაზე, ლოჭინის კვანძთან მშენებარე კომპლექსში მიმდინარე სამუშაოები პირადად დაათვალიერა. ცნობილი გერმანელი არქიტექტორის იურგენ მაიერის მიერ დაპროექტებული მომსახურებისა და დასვენების კომპლექსის მშენებლობა დასასრულს უახლოვდება. ძირითადი შენობის კონსტრუქციული ნაწილი უკვე დასრულებულია. შენობა გაილესა, გაყვანილია გათბობისა და სავენტილაციო სისტემები. უკვე დასრულდა კომპლექსში განლაგებული სანიტარული კვანძების, გაზგასამართი და ბენზინგასამართი სადგურების და ნახევრად ღია საპიკნიკე ობიექტის მშენებლობა. მიმდინარეობს შენობების შემინვა, ტერიტორიის გამწვანება და გაზგასამართი სადგურის სახურავის დასხმა, რის შემდეგაც კომპლექსის მთელი ტერიტორია მოპირკეთდება და დაიწყება შიდა სარემონტო სამუშაოები. პროექტს, რომელზეც 200 ადამიანია დასაქმებული შპს. "პმ მოტორსი" ახორციელებს. მშენებლობას ზედამხედველობას და კოორდინირებას საქართველოს რეგიონული განვითარებისა და ინფრასტრუქტურის სამინისტრო უწევს. მსგავსი ტიპის მომსახურებისა და დასვენების 2 ცენტრი ექსპლუატაციაში ჩქაროსნული მაგისტრალის სვენეთი-რუისის მონაკვეთზე უკვე შევიდა. ასეთი სახის კომპლექსების მშენებლობა საქართველოს მასშტაბით, ცენტრალური მაგისტრალის გასწვრივ, სულ 16 ადგილზეა დაგეგმილი.