Trump 只係招呼中國一個 黃世澤澤論四方 2025年4月11日 скачать в хорошем качестве

Trump 只係招呼中國一個 黃世澤澤論四方 2025年4月11日

#Trump #CHINA #tariffs 大家以為係地圖炮嘅關稅戰， Trump 只係向中國超過100%關稅，同暫緩其他國家，包括台灣在內嘅新關稅嚟睇，其實佢心目中要招呼嘅國家只得一個，就係中國。問題係好多中國人都唔明白，點解 Trump 對中國有著異常嘅痛恨。其實唔意外，呢啲就係忘恩負義嘅果。 Trump 對中國恩怨情仇 當然， Trump 有啲情意結同佢本人有關，好似香港有幾個大地產商喺佢困難果陣再捅佢一刀嘅事，佢係一定記得。而佢同德國人火星撞地球，唔係因為德國人左膠。而係戰後德國人對佢呢種本來好典型嘅德國性格都十分之避忌，三十年代果個考唔到維也納藝術學院嘅魔頭，本身亦太過於嚇人。但個人對某人某地嘅恩仇，唔可能令 Trump 得到充足嘅民望。 最重要係，其實美國係咁多個西方國家，對中國比較好嘅一個。由大清帝國年代門戶開放政策，令中國免於被瓜分，到八國聯軍主動退還賠款送留學生留學，到抗日戰爭嘅大量軍援，到八、九十年代開放改革嘅成功，無美國嘅支持，根本唔可能發生。而對中國最差嘅列強，大家都知道，果個叫俄羅斯，搶走大清帝國最多土地係俄羅斯，扶植中共呢個犯罪組織令中國生靈塗炭果個，係由俄羅斯變出嚟嘅蘇聯，中國一直對俄羅斯好，後嚟仲要搞出習氏肺炎，甚至依家要挑戰美國嘅太平洋霸權，呢種恩將仇報，唔單只Trump會覺得有問題，係只要美國人對歷史稍有理解都覺唔妥，只有啲左膠唔讀歷史，至會認為今日中國所做一切係無問題。所以，今日美國人對中國嘅情緒，係多年累積嘅結果，而唔係Trump再度上台之後，由石頭爆出嚟。 所以Trump一定只招呼中國一個，甚至當初喺烏克蘭問題，由原本係親俄國變成依家已經照番拜登時代嘅做法，就係繼續軍援，甚至大舉制裁俄國啲寡頭，因為本來美國係想聯俄制中，一如當年聯合蘇聯制止德、日兩國一樣。俄羅斯都係信奉基督教，都係傳統西方社會嘅成員，所以以為可以比較容易聯手，當然依家普京乾脆做中國附庸國，脫胎自蘇聯嘅俄羅斯由共產黨管治多年造成嘅西方價值流失，亦比大家想像中嚴重。當中國不單恩將仇報，仲要係一切問題嘅根源，威脅到西方社會本身果陣，Trump只係招呼中國一個好合理。至於之前嘅地圖炮，其實係《江湖告急》任因九做嘅事，當然《江湖告急》果種玩法，稍一不慎會失控，用呢種方法去睇清身邊每一個人嘅虛與實，真心係有啲牙煙。 只要習近平嘅個性唔改，繼續當美國人係隱形，繼續當其他對自己有恩嘅人無報，呢個國家無朋友係必然。一如本來香港都幫咗中國好多，由中華民國成立，到中國開放改革嘅成功，香港人付出有幾多，但中國人依家當香港人係乜？大家心裡有數，否則唔會有港獨運動嘅興起。講到尾，搞出習近平呢種怪物，某程度上係中國文化冋中國人本身嘅集體共業，如果中國人唔自己親手搞掂習近平，最終只會係各國圍堵中國，甚至無人再認為呢個國家值得大家去救，不如消減咗佢更加實際，反正兩害取其輕。中國人喺三戰之後所得到嘅憐憫，會比二次大戰果陣嘅日本更加之少。 #USA #特朗普 #關稅 #中國 #美國 #評論 #4K #黃世澤 #澤論四方 https://martinoei.com/