Pse jam këtu dhe cili është qëllimi i jetës sime? скачать в хорошем качестве

Pse jam këtu dhe cili është qëllimi i jetës sime?

Në emisionin e radhës për të rinjtë në Radio Ngjallja, Ola dhe Xhei trajtuan një nga pyetjet më të mëdha dhe më të thella të jetës njerëzore: “Pse jam këtu dhe cili është qëllimi i jetës sime?”. Në një reflektim frymëzues, ato theksuan se pas pasigurive për të ardhmen, profesionin apo suksesin, fshihet një kërkim më i thellë që çdo i ri e ndjen brenda vetes: kërkimi për kuptim. Sipas mësimit të Kishës Ortodokse, njeriu nuk është krijuar rastësisht, por me dashuri dhe me një qëllim të lartë, të jetojë në lidhje me Perëndinë dhe të rritet në dashuri, mirësi dhe dritë. Përmes shembujve konkretë nga jeta e shenjtorëve, ne këtë emission u dhanë mesazhe shprese. U përmend historia e Shën Maria e Egjiptit, e cila ndryshoi rrënjësisht jetën përmes pendimit, si dhe ajo e Shën Paisi i Malit Athos, i cili gjeti drejtimin e jetës duke vendosur Perëndinë në qendër. Po ashtu, u soll edhe figura e Shën Porfir Kavsokalivitit, që e përkufizonte thelbin e jetës me një fjalë të vetme: dashuri. Një tjetër histori e fortë ishte ajo e Shën Moisiu Etiopiani, jeta e të cilit dëshmon se askush nuk është i humbur dhe se çdo njeri mund të nisë nga e para, pavarësisht së kaluarës. Nga një jetë e errët dhe e dhunshme, ai arriti të bëhej një figurë e ndritur e përulësisë dhe e paqes. Ola dhe Xhei theksuan se drejtimi i jetës nuk zbulohet gjithmonë menjëherë, por është një proces që zhvillohet hap pas hapi. Lutja, jeta në Kishë dhe zgjedhja e së mirës në përditshmëri u paraqitën si udhërrëfyes konkretë për të rinjtë që kërkojnë kuptim dhe drejtim. Duke iu referuar fjalëve të Jisu Krishtit në Ungjillin sipas Mateut: “Kërkoni më parë Mbretërinë e Perëndisë…” – u theksua se vendosja e Perëndisë në qendër të jetës ndihmon që gjithçka tjetër të marrë drejtimin e duhur. Ato iu drejtuan të rinjve me një thirrje të qartë: të mos kenë frikë nga e ardhmja dhe të mos kërkojnë përgjigje të menjëhershme për gjithçka.