排灣族語聖經1130228(三)士師記 rakac 16章1-31節致命的欺騙 скачать в хорошем качестве

排灣族語聖經1130228(三)士師記 rakac 16章1-31節致命的欺騙

1130228(三)士師記 rakac 16章1-31節致命的欺騙 1.izua tu 1 qadaw vaik ti samsun a sema gaza itua qinaljan nua se pilistia.manu secevung izua tua macidilj a rupaveliveli ta kinacavacavan a vavayan, sa kisulid tjaimadju.2.manu ka pacunan ti samsun nua se gaza caucau tu itua qinaljan niamadju, vaik tiamadju a lemingulj tazua qinaljan, sa tjalju cacavalj i qinaljan a remaung tjai samsun a puraketj tua vengin. inika nakemuda tiamadju, ljakua nu maljia ki ta qecii timadju, ayaya a venarung. 3.ljakua ka vecekadan anga vengin, ka paceged ti samsun tua kinataqedan, revuren a paljing nua qinaljana pakian tua siqeljevan katua caqcaq, sa cavulidi a pasa gadu i dedet tua qinaljan i hiberun. 4.pitjaivililj taicu tjenglai ti samsun tua macidilj a vavayan a ti dilila, a i zuazua itua pinaka surik a veljeluan.5.Pai sazuain ti dilila nua man 5 a namasan palaingan ta se pilistia caucau, sa qaqivu-i: kaligilju a kikeljang ti samsun, ulja sun a pasemalavi tu nakemasinu a picul nimadju; tuki ta kudain sa tja santjaparuti timadju, sa tja qadaii timadju a pakilaing tanuitjen. nu kemljang anga sun, uri pavai amen a macidicidilj tjanusun tu tjara 1,100 tua paisu a ging, ayain.6.qau pai kivadaqan ti samsun ni dilila: aku azua pupicul sun aravar? pai pasemalavi aken. nu kudain sun nua zuma, mana uri makaya qemadjai tjanusun, sa pakilaingi sun tjayamadju?ayain. 7.temvela ti samsun: nu qadjayan aken tua nekezeng a vaquan a calis a 7, ki meneka a ku picul a maru zuma caucau, ayain.8.pavayan a dilila tua nakezeng a vaquan a calis a 7 nazua tiamadju a namasan palaingan ta se pilistia caucau, sa qadjayan anga tjai samsun ni dilila. 9.qau izua za ki mapida caucau a djinaulj ni dilila a pasa tjumaq a tjakaljavaljava tu djemameq.pai sa pasiqaca timadju a qivu tjai samsun a mayatucu: samsun, uzai anga a se pilistia caucau! aya. manu ka mucacikalj ti samsun, azua siniqadjai tjaimadju a nakezeng a vaquan a calis maru kalanga a pinacaingan tu sapu, a mavetjek isauniun manasika kamayan a inika kemljang tiamadju tuki nakemasinu a picul ni samsun. 10.qivu ti dilila tjai samsun: su inayatucu aken a seman vangavangan a venca: saka pai pasemalavi aken tuki nu kudain sun nua zuma mana uri makaya djemameq tjanusun? ауа, 11.tevelain ni samsun: nu qadjayan aken tua ini anan ka siqadjai tua anema a vaquan a calis, ki meneka ku picul a maru zuma caucau. ayain.12.pai malap ti dilila tua vaquan a calis, sa qadjati ti samsun, sa pasiqaca qivu tjaimadju a mayatucu: samsun, uzai anga a se pilistia caucau! aya. tuazua izuanga caucau i tjumaq a tjakaljavaljava tu djemameq. manu ka mucacikalj ti samsun, azua calis a siniqadai tjaimadju maru kala a mavetjek. 13.qivu ti dilila tjai samsun: aicu seman vangavangan anan sun tjanuaken a venca, saka pai pasemalavi aken tuki nu kudain sun nua zuma mana uri makaqa djemameq tjanusun aya.tevelain ni samsun: nu su qadjapin a ku quvalj a patja 7, sa su patjenunan, sa pakezekezan a pasekakezeng, ki meneka a ku picul a maru zuma caucau,ayain.14.qau pakataqeden timadju ni dilila, sa qadjapi a patja 7 a quvalj sa patjenunan, sa pakezekezan a pasekakezeng sa tjautjaw mayatucu:samsun, uzai anga a se pilistia caucau aya. pai paceged ti samsun sa viljvilji a semualap a quvalj a sinipatjenun a sinipakezekez uta.15.qivu ti dilila tjai samsun: inika sun a natjenglai angata tjanuaken, natjenglai aken sa su ayayanan manasika kin 3 anga sun a seman vangavangan tjanuaken, a inika pasemalaw tuki anema su sika pupicul aravac, aya: 16. pai kivadavadaq ti dilila a piqadaw. qau masupil anga ti samsun tua siljingaljinga. 17.manasika ka vililj anga sipasemalaw anga tjai dilila azua sinizaqazaqaw a kai a maitucu:aicu a ku quvalj ini anan ka kingerjuqi, ayatua kemasi sipualjak aken namapenetj anga ken tu uri kisan nazir a caucau a kisekaulj tua Cemas, saka nu kingerjuqan a ku quvalj, ki meneka a ku picul, sa ke ka mamaw anga katua marka caucau a zuma,aya.18.kemljang ti dilila tu nekanga nu sinizaqaw ni samsun. manasika semkaulj timadju tua caucau a pasa tua marka palaingan nua se pilistia a paqaqivu a mayatucu: kelju samaza-u anan. pinasemalavan anga ken nimadju tua sinizaqazaqaw a kai,ayain. pai mangtjez tiamadju a nakemacu tua paisu a ging. 19.pakataqeden ni dilila ti samsun a pakisangel tua djapalj, sa djaulj tua caucau tu kingerjuq tazua qinadjapi a pata 7 a quvalj ni samsun. ayatua masupicul anga ti samsun, manasika lapain anga timadju ni dilila.20.samsun, uzai anga a se pilistia caucau kaya ti dilila a tjemautjaw, paceged ti samsun, saka aicu nu mucacikal aken ki ken a masuqadjai a paru sitjaisangasan,sa ayaya kinemnem. ljakua inika kemljakeljang tu nakicacadanga Cemas taimadju. 21. pai djameqen anga timadju nua se pilistia caucau, sa sumaca-i, sa kacu-i a pasa gaza. qadjaiin anga timadju tua kicikic a liun, sa paqemu-i timadju a pakasengseng i rusung.