စစ်ကောင်စီ ရိက္ခာတင်သင်္ဘောကို CDSOM ဖမ်းဆီး скачать в хорошем качестве

စစ်ကောင်စီ ရိက္ခာတင်သင်္ဘောကို CDSOM ဖမ်းဆီး

မန္တလေးဆိပ်ကမ်းကနေ ဆန်နဲ့ဆီတွေသယ်လာတဲ့ စစ်ကောင်စီ ရိက္ခာတင် သင်္ဘောတစီးကို ဒေသခံကာကွယ်ရေးတပ်တွေက နိုဝင်ဘာလ ၆ ရက် မနေ့က ဖမ်းဆီးခဲ့ပါတယ်။ ချင်းတွင်းမြစ်ကြောင်းအတိုင်းလာတဲ့ အဲ့ဒီသင်္ဘောကို မကွေးတိုင်း၊ ရေစကြိုမြို့နယ်အနီးမှာ နေ့လည် ၂ နာရီလောက်က ဖမ်းဆီးနိုင်ခဲ့တယ်လို့ မြောင်မြို့နယ် ပြည်သူ့ကာကွယ်ရေးအဖွဲ့နဲ့ လုံခြုံရေးအဖွဲ့ - CDSM မှ ဗိုလ်နွေဦးက ပြောပါတယ်။ “မနေ့က နေ့လည် ၂ နာရီလောက်မှာ ဖမ်းတာ။ ဖမ်းပြီး ကျေးရွာတွေကို အကုန်လုံးလာယူဖို့ ဖိတ်ခေါ်လိုက်တယ်။ လာသမျှရွာက ပြည်သူတွေကို စိတ်ကြိုက် သယ်ခိုင်းလိုက်တယ်။ အဲဒီသင်္ဘောတွေက မန္တလေးဆိပ်ကမ်းကနေ စစ်ကောင်စီက ချောဆွဲပြီးတော့ တင်လာတာလို့ ပြောတယ်” လို့ ပြောပါတယ်။ ဧရာဝတီမြစ်အတိုင်းဆင်းလာပြီးတော့ ချင်းတွင်းမြစ်ထဲကို ပြန်ဆန်တက်တယ်။ ရေစကြိုလောက်ရောက်တဲ့အချိန်မှာ ကျနော်တို့က သတင်းရလို့ စောင့်ပြီးဖမ်းလိုက်တာ” လို့ ပြောပါတယ်။ ဆန်အိတ်ပေါင်း ၁ သောင်းခွဲကျော် (၁၅၇၀၀) နဲ့ ဆယ်နဲ့ချီတဲ့ ဆီပေပါတွေ သင်္ဘောပေါ်မှာ ပါလာပေမယ့် ပြည်သူတွေကို ဝေပေး၊ သယ်ယူနေတဲ့အချိန် စစ်ကောင်စီတပ်တွေရောက်လာတာကြောင့် ဆီပေပါ ၂၀ နဲ့ ဆန်အိတ် ၄၀၀ ကျော်ပဲ ဝေနိုင်ခဲ့တယ်လို့ ဗိုလ်နွေဦးက ပြောပါတယ်။ “စစ်ကောင်စီဘက်က သင်္ဘောတွေနဲ့ ပြန်ဆင်းလာတယ်။ ခြေလျင်စစ်ကြောင်းကလည်း သင်္ဘောဆီကို တက်လာတယ်။ တက်လာတာကြောင့် ပြည်သူတွေ သယ်လို့ရအောင် ပတ်ပတ်လည်ကင်းချပြီး လုံခြုံရေးအပြည့်လုပ်ပေးရတယ်။ သယ်တဲ့နေရာမှာ ပြဿနာတွေမဖြစ်အောင် လုံခြုံရေးယူပေးပါတယ်။ စစ်ကြောင်းက ကျနော်တို့နဲ့အနီးကပ်ဆုံးနေရာကို ရောက်လာတာမှာ သင်္ဘောကို ခွာခိုင်းလိုက်ရတယ်။ နာရီဝက်လောက်အကြာမှာ သူတို့ရောက်လာပြီးတော့ စစ်သင်္ဘောနဲ့ ပြန်ဆွဲသွားတယ်” လို့ ပြောပါတယ်။ လက်ရှိအချိန်ထိလည်း အဲ့ဒီကမ်းနားမှာ စစ်ကောင်စီတပ်တွေရှိနေပြီး၊ ဒေသခံတွေနဲ့ ကာကွယ်ရေးရဲဘော်တွေကတော့ အန္တရာယ်မရှိ ထွက်ခွာလာနိုင်ခဲ့တယ်လို့လည်း သိရပါတယ်။ သတင်း - ဒိန်းဂျား၊ စာတည်း - ဇို #မြေလတ်အသံ