Қазақстанда шетелден әкелінген телефондар тіркелмей жатыр скачать в хорошем качестве

Қазақстанда шетелден әкелінген телефондар тіркелмей жатыр

Қазақстанда шетелден әкелінген телефондар тіркелмей жатыр. Әсіресе Ресей мен Қырғызстан, Өзбекстаннан жеткізілген смартфондардың имей кодтары қабылданбай шетінен бұғатталуда. Сатушылардың айтуынша, жаңа құрылғылар ғана емес, осыдан 4-5 жыл бұрын сатылған телефондар да бүгінде істен шығып, сатып алушылардың шағымы көбейген. Наразылығын білдірген кәсіпкерлер енді Үкіметтен мәселені шешіп беруді талап етеді. Телефон верификациясын жеңілдетуді Үкіметтен талап еткен көптің арасында сатушы да, сатып алушы да бар. Қазақстанда сырттан әкелінген ұялы құрылғыларды имей коды арқылы тіркеу міндеттелгелі көп кәсіпкер тығырыққа тірелді. Себебі олар сатқан смартфондарды тіркейін десе құрылғы қабылданбай жатыр. Айтуларынша, жолданған өтініштерге жауап жоқ. АНЕЛЬ ЕРҒАЗИНОВА, сатушы: Қырғызстан, Өзбекстан, Ресейден кірген телефондар тіркелмей қалды. Клиенттеріміз де, біз де өз ақшамызға алған құрылғыларды қолдана алмай отырмыз. Верификациядан өту негізі тегін. Бірақ машақаты көп. Сол үшін де амал жоқтан бөгде адамдарға 30 мың, тіпті 50 мың теңге төлеп тіркеуден өтіп жатырмыз. Қазір заң шықпай тұрғанда алынған смартфондар да істемей қалған. ҒАБИТ ӘБІЛДАЕВ, сатушы: Осы заң былтыр 2025 жылы 25 наурызда шықты. Ал оның алдында сатылған телефондарда адамдар 1 ғана сим-карта салып жүрген. Мысалы, актив. Ол адам енді екінші нөмір алды. Енді соны телефонға салған кезде ол верификация сұрап жатыр. Тіркелмесең телефон сұр тізімде, 1 айдан соң бұғатталады, сим-карта оқымайды дейді. Осы жағдайда мысалы халық не істейді?! ДИНАРА СӘМЕНОВА, сатып алушы: Екі балама 2023 жылғы екі телефон алып берсем екеуі де блокқа кетті. Верификация тірке дейді. ЦОН-ға келсем біз жауапты емеспіз дейді, ЦУМ-ға келсем біз істемейміз дейді. Біреуін 300 мыңға алдым, біреуін 150 мыңға алдым. Екеуі де блокқа кетті. Қазақстандықтардың телефонын тіркеумен "АТС Медиафон кз" жекеменшік компаниясы айналысады. Бірақ олардың өтініш қабылдайтын сайты дұрыс жұмыс істемейді дейді кәсіпкерлер. Ал мекеме өкілі сайтта ақау жоқ, 24/7 қызмет көрсетеді деп сендірді. МӘДИ ШЕРІМ, "ATS MEDIAFON KZ" ЖШС коммерциялық директоры: Телефонның шығарылған еліне қарап бұғаттап жатқан жоқ. Бізге құрылғының заңды жолмен әкелінгенін дәлелдейтін құжат болса жеткілікті. Телефондар талаптарға сай жеткізіліп, рәсімделсе верификациядан қиындықсыз өтеді. Кедендік тіркеусіз, тиісті төлемдерсіз өткен тауарлар тіркелмейді. Жеке тұлға телефонын тегін тіркейді. Ал кәсіпкерлер 1 құрылғы үшін 4 мың 325 теңге төлейді. Бүгінде нақты қанша телефонның имей коды қабылданбағаны белгісіз. Шағымданған сатушылар тіркеу ісімен мемлекеттің өзі айналысқанын талап етеді. Ал жауапты компания кәсіпкерлермен диалог құруға дайын екенін жеткізді. #Информбюро #телефон #верификация #телефонтіркелу #31канал