(木瓜廚房) 豉油雞 скачать в хорошем качестве

(木瓜廚房) 豉油雞

  / papaya.kitchen   家常嘅豉油雞，我地一家至愛食，三位老闆要食髀，我要食胸，買隻全雞就啱喇 🐔 豉油雞我都用過好多方法，但呢個方法最易成功，亦唔會浪費任何醬油 👍 特別係冰鮮雞，我通常用嚟做豉油雞，因為啲汁狠狠咁將啲雪藏味覆蓋！皮滑肉嫩 ❤ 秘訣係慢火煮熟隻雞，汁又唔會乾燒，我就鐘意最後埋返個芡，掛喺雞皮上面，完全唔浪費！啖啖肉！由雞皮食到落啲汁都一滴不漏，用嚟撈飯撈麵都好好食！ 材料： 雞 1隻 蒜頭 3粒 乾蔥 2粒 薑 6片 八角 2粒 蔥 2棵 花雕酒 2湯匙 老抽 3湯匙 生抽 2湯匙 片糖 半條 冰糖 1湯匙 雞湯 100毫升 水 100毫升 芡汁： 生粉1茶匙 水1湯匙 1. 雞去掉內臟，清洗乾淨，用滾水浸洗雞皮，令雞皮收縮，再用水沖洗乾淨，抹乾 2. 熱油後，爆香乾蔥、蒜頭、薑片 3. 加入花雕酒、雞湯、片糖、冰糖和八角，煮至糖溶解 4. 加入老抽、生抽和水，煮滾 5. 放入蔥和雞，用汁淋勻雞身，加蓋用中小火煮30分鐘，期間將雞反轉，再淋汁上雞面，用筷子插入雞腿位置，如沒有血水即表示熟，熄火加蓋焗10分鐘 6. 雞盛起，用保鮮紙封好，待涼切件 7. 汁料隔渣，加入芡汁煮至微稠，倒在雞面即可 (此步驟可省略😘) **煮雞時間要視乎雞的大小而定，以現在大部分的冰鮮雞，size不算大，所以基本30分鐘都熟 **片糖令豉油汁的色澤更靚，但太多又會變得深色，所以餘下的甜味會用冰糖去調整 **盡量用不黏底的大鍋，要放得下全雞，有多餘位置仍可轉動一整隻雞 **煮雞時大約10分鐘開一次蓋，雞轉動到不同位置，將汁淋上，令雞皮上色 ❤ Cristel Hong Kong #34cm中式鑊