"Oğlumu qanunsuz saxlayıblar!" - Gəmidə həkim işləyən Tural müəmmalı şəkildə yoxa çıxdı - Baku TV скачать в хорошем качестве

"Oğlumu qanunsuz saxlayıblar!" - Gəmidə həkim işləyən Tural müəmmalı şəkildə yoxa çıxdı - Baku TV

"Oğlumu qanunsuz saxlayıblar!" - Gəmidə həkim işləyən Tural müəmmalı şəkildə yoxa çıxdı - Baku TV Bakıdakı klinikalardan birində çalışan və Xəzər dənizində özəl şirkətlərdən birinə məxsus gəmidə həkim kimi fəaliyyət göstərən 33 yaşlı Tural Sultanovun itkin düşməsi ilə bağlı bir müddət əvvəl xəbər yayılmışdı. Aradan təxminən 5 ay keçməsinə baxmayaraq, onun taleyi barədə hələ də heç bir məlumat yoxdur. Ailəsi isə ciddi narahatlıq keçirir. Tural Sultanovun atası Hüseynağa Sultanov baş verənlərlə bağlı bunları deyib: “Beşinci aydır ki, bu uşaqdan xəbər yoxdur. Kadrlar şöbəsindən məlumat verdilər ki, belə bir hadisə baş verib. Adını qoydular ki, Tural intihar edib. 67 gün müddətində oğlum gəmidə qalıb. Heç bir qanuni əsası olmayan şəkildə bir insanın gəmidə, dənizdə bu qədər müddətdə saxlanılması mümkün deyil. Bu, insan psixologiyasına ciddi təsir edir. Mən belə bir nəticəyə gəlmişəm ki, burada axtarışın özü də səthi aparılıb. Deyirlər ki, bir gün əvvəl onun hərəkətlərində qeyri-adilik müşahidə olunub, amma bizə bu barədə məlumat verilməyib. Nə ölüsü var, nə dirisi. Meyitin tapılması da onlara sərf etmir. Çünki bu, cinayətdir. Həmin səhlənkarlıq insan ölümünə gətirib çıxarıb”. Tural Sultanovun anası Aygün Sultanova isə ümidini itirmədiyini bildirib: “Mən Allahdan heç vaxt ümidimi üzmədim. İnşallah, inanıram ki, o möcüzələrdən birini də bizə yaşadar. Nə olur-olsun, ya dirisi, ya ölüsü – balam aşkara çıxsın. Mən demişəm ki, övladım ortaya çıxsın, qurban kəsəcəyəm. 67 gün qanunsuz şəkildə onu saxlayıblar. Klinika deyir ki, əvəzedici həkim yox idi, ona görə o qədər qalıb. Sizin əvəzedici həkiminiz yox idi deyə mənim övladım yox olmalı idi?! Səbəbkarlar ortadadırlar, rahat gəzirlər”. Məsələ ilə bağlı “Leyla Medical Center”dən bildirilib ki, hazırda istintaq araşdırması aparılır və istintaqın gedişinə mane olmamaq üçün hər hansı açıqlama vermək mümkün deyil. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv "Oğlumu qanunsuz saxlayıblar!" - Gəmidə həkim işləyən Tural müəmmalı şəkildə yoxa çıxdı - Baku TV 2026 © All Rights Reserved ℗ "Baku TV" LLC ™ #bakutv #bakutvxəbər #itkin #turalsultanov #həkim #gəmi baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan