“కక్షసాధింపు కాదు… చట్టం తన పని తానే చేస్తుంది” –YCP పై టీడీపీ నేతల ఘాటు వ్యాఖ్యలు скачать в хорошем качестве

“కక్షసాధింపు కాదు… చట్టం తన పని తానే చేస్తుంది” –YCP పై టీడీపీ నేతల ఘాటు వ్యాఖ్యలు

వెంకటగిరి రాజకీయాల్లో మరోసారి ఉద్రిక్త వాతావరణం నెలకొంది. అనుమతి లేకుండా ర్యాలీ నిర్వహించి రాష్ట్ర ముఖ్యమంత్రి నారా చంద్రబాబు నాయుడు పై దుర్భాషలాడినందుకే పోలీసులకు ఫిర్యాదు చేశామని, ఇందులో ఎలాంటి కక్షసాధింపు లేదని టీడీపీ సీనియర్ నాయకులు స్పష్టం చేశారు. సోమవారం స్థానిక పార్టీ కార్యాలయంలో నిర్వహించిన మీడియా సమావేశంలో టీడీపీ సీనియర్ నేత, మాజీ ఏఎంసీ చైర్మన్ సీసీ నాయుడు, వెంకటగిరి నియోజకవర్గ వైసీపీ ఇన్‌చార్జి నేదురుమల్లి రామకుమార్ రెడ్డి చేసిన ఆరోపణలను తీవ్రంగా ఖండించారు. విద్యుత్ ఛార్జీల పెంపు వ్యతిరేకంగా రాష్ట్రవ్యాప్తంగా వైసీపీ శ్రేణులు శాంతియుతంగా వినతిపత్రాలు సమర్పిస్తుంటే, వెంకటగిరిలో మాత్రం సుమారు 500 మందితో అనుమతి లేకుండా ర్యాలీ నిర్వహించి ఎన్‌హెచ్–565పై ట్రాఫిక్‌కు అంతరాయం కలిగించారని సీసీ నాయుడు ఆరోపించారు. ర్యాలీ సందర్భంగా సీఎం పై దుర్భాషలాడటమే పోలీసులకు ఫిర్యాదు చేయడానికి కారణమని తెలిపారు. “ర్యాలీ సమయంలో నా స్వగ్రామానికి వెళ్తూ రహదారిపై భారీగా గుమిగూడి నినాదాలు చేస్తూ సీఎం ని దూషించడం విని తట్టుకోలేక వాగ్వాదానికి దిగాల్సి వచ్చిందన్నారు . అందుకే పోలీసులకు ఫిర్యాదు చేశానని . ఇందులో ఎమ్మెల్యే కి , పార్టీ గాని ప్రమేయం లేదు,” అని ఆయన స్పష్టం చేశారు. తాను పెట్టిన కేసుకి కేసు నమోదు జరిగిన ఐదు నెలల క్రితమే 41ఏ నోటీసులు ఇవ్వాల్సి ఉండగా, అది ఆలస్యమైందని పేర్కొన్నారు. “ఇప్పుడు నోటీసులు ఇవ్వగానే వైసీపీ నేతలు కక్షసాధింపు అంటూ డ్రామా చేస్తున్నారన్నారు . చట్టానికి ఎవరూ అతీతులు కారు. చట్టం తన పని తానే చేసుకుంటుంది,” అని వ్యాఖ్యానించారు. కేసు నుంచి తప్పించుకునేందుకు కోర్టు నోటీసులు పంపుతున్నారని, అలాంటి చర్యలకు తాను భయపడనని అన్నారు. నేదురుమల్లి ఆరోపణలు “పిల్లకాకి అరుపులే”నని ఎద్దేవా చేస్తూ కేసుకు సంబంధించిన చార్జిషీట్‌ను పోలీసులు త్వరగా దాఖలు చేయాలని కోరారు.