ახალი ქორწინების სახლი გორის იუსტიციის სახლში скачать в хорошем качестве

ახალი ქორწინების სახლი გორის იუსტიციის სახლში

პირველად ქორწინების რეგისტრაციის ისტორიაში, წყვილის -- ირინე კორინთელისა და იოსებ ძურძუკის ქორწინების საზეიმო ცერემონიალს პირადად იუსტიციის მინისტრმა თეა წულუკიანმა ჩაატარა. ცნობისთვის, პირველი წყვილი გორის მუნიციპალიტეტის კონფლიქტის ზონის სოფლების -- აძვისა და ახალუბნის მკვიდრები არიან. აღსანიშნავია, რომ ქალაქ გორში წლების განმავლობაში ქორიწინების რეგისტრაცია წარმოებდა ი.სუხიშვილის ქუჩაზე მდებარე ქორწინების სახლში, რომელმაც ფუნქციონირება 2004 წელს შეწყვიტა. ათი წლის შემდეგ, ქალაქ გორისა და მუნიციპალიტეტში შემავალი სოფლების მაცხოვრებლებს საშუალება მიეცათ ქორიწინება, საზეიმო რიტუალის თანხლებით, თანამედროვე სტანდარტების, უახლესი დიზაინით შექმნილ ქორწინების დარბაზში დაარეგისტრირონ. აღსანიშნავია, რომ იუსტიციის მინისტრის ბრძანებით, ახლახან შეიცვალა ქორწინების მოწმობის ძველი დიზაინი და მიმდინარე თვიდან საქართველოში ყველა დაქორწინებულ წყვილს ახალი დიზაინის, ორიგინალური ქორწინების მოწმობა გადაეცემა. ამ დრომდე უკვე გაიცა 1901 ქორიწნების მოწმობა, აქედან სახელმწიფო სერვისების განვითარების სააგენტოსა და იუსტიციის სახლებს 943--მა წყვილმა ძველი ქორწინების მოწმობის ახლით შეცვლის თხოვნით მიმართა. ინფორმაციისთვის, სერვისების განვითარების სააგენტოს გორის ქორწინების სახლი დ. გურამიშვილის ქუჩა #5--ში გორის იუსტიციის სახლში მდებარეობს. ქორწინების სახლის სამუშაო დღეებია: ოთხშაბათი, ხუთშაბათი, პარასკევი, შაბათი, კვირა (დასვენების დღეები: ორშაბათი, სამშაბათი). მოქალაქეთა მიღება წარმოებს: 09:30--დან 17:00 საათამდე. აღნიშნულ სამსახურში, ქორწინების რეგისტრაციის სპეციალური საზეიმო მომსახურების საფასური 50 ლარი იქნება.