ფოკუსი: 24 დეკემბერი, 2014 скачать в хорошем качестве

ფოკუსი: 24 დეკემბერი, 2014

უკვე მეოთხე დღე გავიდა მას შემდეგ რაც თავდაცვის სამინისტრომ უკრაინაში ქართველი მებრძოლის გარდაცვალებასთან დაკავშირებით განცხადება გაავრცელა, თავდაცვის მინისტრი კი განცხადების უკვე ცნობილ შინაარსთან დაკავშირებით განმარტებებს კვლავ არ აკეთებს. კოლეგას მთავრობის სხვა წევრები, მათ შორის პრემიერმინისტრი იცავს. ეს ბორცვი არის სტერილური და მისი არსებობა არავის არ ახსოვდა - როგორც საქართველოს პრემიერმინისტრი ამბობს, სწორედ ასეთი დასკვნა გამოიტანა მან საყდრისი -ყაჩაღიანის საბადოსთან დაკავშირებით, მას შემდეგ რაც ამ საქმის ექსპერტებს ესაუბრა. ამ თემაზე საუბრისას ღარიბაშვილმა ხაზგასმით გამოყო ბრალდებები ბიძინა ივანიშვილის მისამართით. საქართველოს პრემიერი ამბობს, რომ ეს მიზანმიმართული და შეურაცხმყოფელი კამპანიაა. ღარიბაშვილის უკვე უპასუხეს საყდრისის მცვლელებმა. ერთი საპარლამენტო დღე და 3 ჯერ ერთმანეთთან დაპირისპირებული კანონმდებლები. დაპირისპირება ნაციონალური მოძრაობის მხრიდან თავდაცვის მინისტრის გადადგომის მოთხოვნას მოჰყვა. კამათის კიდევ ერთი მიზეზი ევროპის საბჭოს საპარლამენტო ასამბლეის დელეგაციის კვოტირება გახდა. . კიევში მალე ქართული პატრულის ანალოგი უკრაინული საპატრულო პოლიციის მანქანები გამოჩნდებიან - პოლიციის რეფორმას უკრაინაში საქართველოს ყოფილი შინაგან საქმეთა მინისტრი და უკრაინის ახლანდელ შინაგან საქმეთა მინისტრის მოადგილე ეკა ზღულაძე ხელმძღვანელობს. ნოემბრის თვეში ექსპორტმა $203 მილიონი შეადგინა, რაც წლის მინიმალური მაჩვენებელია, გასული წლის ნოემბრის მაჩვენებელთან შედარებით კი 35%-ითაა ნაკლებია. ასეთ კლებაზე გავლენა ავტოექსპორტის შემცირებამაც მოახდინა. მისურის შტატში პოლიცილის მიერ აფროამერიკელი ახალგაზრდის მოკვლას ახალი არეულობა მოჰყვა. პოლიციის ცნობით, ქალაქ ბერკლიში ბენზინგასამართ სადგურზე მყოფმა ახალგაზრდამ პოლიციელს იარაღი დაუმიზნა, რის შემდეგაც სამართალდამცველებმა მას ცეცხლი გაუხსნეს. 18 წლის ანტონიო მარტინი ადგილზე დაიღუპა.