Kriza greke, emigrantët shqiptarë kthehen të hapin biznese në Shqipëri - (1 Prill 2012) скачать в хорошем качестве

Kriza greke, emigrantët shqiptarë kthehen të hapin biznese në Shqipëri - (1 Prill 2012)

Lajme arkiva 2012 Kriza e rëndë ekonomike që ka përfshirë vendin fqinj Greqinë ka bërë që një numër i konsiderueshëm emigrantësh shqiptarë të hapin biznes në Shqipëri, ose ta transferojnë atë në vendin tonë. Ekspertët e ekonomisë mendojnë se klima e favorshme e biznesit, siguria dhe eksperienca e punës që kanë siguruar në vendin fqinj janë 3 prej arsyeve që emigrantët kanë vendosur të investojnë në vendin e tyre. Sherefedin Shehu: “Ata vijnë sepse gjejnë një ambient të përshtatshëm ekonomik dhe fiskal sepse në fund të fundit bëjnë llogaritë e tyre”. Ekspertët e ekonomisë e shohin këtë si një hap pozitiv për ekonominë shqiptare kjo sepse rrit punësimin si dhe cilësinë e shërbimeve. Sherefedin Shehu: “Shqiptarët e kanë filluar këtë fenomen më herët, jo vetëm për shkak të krizës, por ndoshta kriza e ka rritur përmasën e ardhjes së investitorëve jo vetëm shqiptarë por edhe grekë do të them edhe italianë”. Turizmi, bujqësia si dhe bizneset e shërbimeve janë disa prej sektorëve që kanë investuar emigrantët shqiptarë të kthyer nga Greqia. Sherefedin Shehu: “Sektorët ku ata investojnë janë ato ku ato kanë fituar eksperiencën nga puna e tyre dhe siç shihet nga statistikat ata kryesisht janë në sferën e shërbimeve të hotelerisë edhe të prodhimit industrial, por jo në përmasa të mëdha sepse nuk pritet që emigrantët shqiptarë të kenë kapitale të atyre përmasave për të bërë ose për të investuar në industri konkurruese, por edhe në industri të vogla prodhuese”. Pak ditë më parë edhe Agjencia Ndërkombëtare e Lajmeve Reuters nëpërmjet një reportazhi vuri theksin në faktin se ëndrra greke si një vend i premtuar për mijëra shqiptarë tashmë është pjesë e së shkuarës duke e argumentuar me një pamje konkrete Reuters thotë se kriza ekonomike greke i ka shtyrë ata të investojnë në vendin e tyre. Ndërkohë edhe shifrat zyrtare greke të publikuara pak ditë më parë flasin për një nxjerrje të kapitalit jashtë Greqisë prej afro 500 milionë eurosh nga emigrantët shqiptarë gjatë vitit të kaluar. Para këto që janë depozituar në bankat shqiptare apo janë investuar në ekonomi./tvklan.al Gazetar: Edjol Halilaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/