Үйүндө «черный ломбард» уюштурган аял камакка алынды скачать в хорошем качестве

Үйүндө «черный ломбард» уюштурган аял камакка алынды

Манас шаарында үйүндө «черный ломбард» уюштурган аял кармалды, деп билдирди УКМК. Тактап айтканда А.Э.С.нын мыйзамсыз сүткорлук (ломбарддык) иши аныкталды. Ал үйүндө «черный ломбард» уюштуруп, кыймылдуу жана кыймылсыз мүлк, ошондой эле баалуу металлдардан жасалган зер буюмдарды күрөөгө алып, жылына 150 пайыздан ашык үстөк менен насыя берип турган. «Ш.К.У. аттуу жаран аялдан 1 миллион сом карыз алып, ай сайын 150 000 сом пайыз төлөп турган. Карызды төлөө мезгилинде А.Э.С. бир нече жолу Ш.К.У.нун мүлкүн опузалап, коркутуп-үркүтүү жолу менен тартып алууга аракет кылып, кечиктирилген пайыздарды төлөп берүүнү талап кылып, унаасын тартып алган. 4-февралда А.Э.С. 200 000 сом пайыз алып жатканда пара менен кармалган. Жашаган жерин тинтүү учурунда кыймылсыз мүлктүн техникалык паспорттору, өздүгүн тастыктаган күбөлүктөр, жер тилкелерине жеке менчик укугун тастыктаган мамлекеттик документтер, күрөөгө коюлган зер буюмдар ж.б. табылган. Тергөө амалдарынын жүрүшүндө А.Э.С. күнөөсүн мойнуна алган. Ал УКМКнын убактылуу кармоочу жайына камакка алынды. Учурда анын мыйзамсыз аракеттеринен жабыркагандарды, ошондой эле башка карыз алуучуларды жана күрөөгө коюлган мүлктүн ээлерин аныктоо боюнча тергөө иш-чаралары жүрүп жатат. Тергөө амалдары жүргүзүлгөндөн кийин мүлктөр мыйзамдуу ээлерине кайтарылып берилет», - деп айтылат расмий маалыматта.