Ac qalmadan arıqlamağın 10 yolu скачать в хорошем качестве

Ac qalmadan arıqlamağın 10 yolu

Ac qalmadan arıqlamağın 10 yolu Arıqlamaq deyərkən ən əvvəl dietlər yada düşür. Diet sözünü eşidən kimi də ac qalmağın çətinliyini xatırlayırıq. Lakin, ac qalmadan da arıqlamaq mümkündür. Bu da ac qalmadan arıqlamağın 10 yolu: 10. Qida müxtəlifliyi. – Gün ərzində müxtəlif qidalardan istifadə edin. Sadəcə tərkibində protein və karbohidratların çox olduğu qidalar yeməyin. Mütləq, asan həzm edilən yeməklərə də üstünlük verin. Mütəxəssislər belə məsləhət görür. 9. Su içmək.- Su içmək arıqladır. Elə adam var ki, təmiz su içməyi sevmir. Arıqlamaq istəyənlər su ilə münasibətlərini yaxşılaşdırmalıdır. Su orqanizmi artıq qida qalıqlarından təmizləyir. Və günbəgün arıqlamağınızı müşahidə edə bilərsiniz. Gün ərzində ən az 2-2,5 litr su için. 8. Dietik qidalar. –İllərdir hamı arıqlamaq üçün marketlərdən dietik qidalar alır. Lakin, dietik pendir, dietik şirniyyat kimi qidalarda da kalori miqdarı yüksəkdir. Bunların yerinə evdə adicə qatıq yemək arıqlamağa daha çox kömək edir. 7. Şirniyyatlar və şəkərli qidalar.- Arıqlamaq istəyənlər şirniyyatlardan uzaq durmalıdır. Mütəxəssislər də daim bunu deyir. Şəkərli qidalar bədəndə qida artıqlarını çoxaldır. Eyni zamanda, insanın özünü ağır, narahat hiss etməsinə də səbəb olur. Arıqlamaq istəyənlər, şirniyyatsız həyata uyğunlaşmağı bacarmalıdır. 6. Səhər yeməyi.- Səhər yeməyinin insan sağlamlığı üçün nə qədər faydalı olduğunu hamı bilir. Düzgün və nizamlı şəkildə yeyilən səhər yeməyi kökəlmənin qarşısını alır. Səhər-səhər doyunca yesəniz, naharda və şam yeməyində özünüzü tox hiss edərsiniz. Beləcə, orqanizmə ağır gələcək yağlı yeməklərdən az yeyəcəksiniz. Günün vitaminini də çalışın səhər yeməyində alın: süd, yumurta, pendir kimi qidalardan uzaq olmayın. 5. Nahar və şam arasındakı yemək. –Çalışın ki, günün bu ara saatlarında mütləq nəyinsə dadına baxın. Yoxsa vücudunuz aclıq hiss edir, sürətlə yağ yığmağa başlayır. Yüngülvari məzə`lər atışdırdığınızda isə orqanizm rahatca yağları əritməyə davam edəcəkdir. 4. Hərəkət etmək. – Ac qalmadan arıqlamağın qızıl qaydalarından biri də hərəkət etməkdir. Nə qədər çox hərəkət etsəniz, vücudunuzda bir o qədər yağ əriyəcəkdir. Yaxın məsafəli pilləkənləri çıxmağa ərinməyin. Yaxın olmasa da marketdə alış-verişə özünüz gedin. 3. Kalori hesabı. – Düzdür, ağzımıza atdığımız hər tikənin kalori dəyərini hesablaya bilmərik. Lakin, təxmini də olsa gün ərzində yediyimiz qidaların kalori dəyərinə nəzər salmaq faydalıdır. Çünki, belə halda şüuraltımızda istər-istəməz “bu yemək daha çox kalori verir” mesajı yaranır. Belə halda da kalorilərimizi yox etmək haqqında daha çox düşünürük. 2. Şam yeməyi.- Axşam olunca vücudumuz daha az hərəkətdə olur. Odur ki, saat 7-dən sonra yediklərinizə mütləq diqqət edin. Acsanız belə, bu saatdan sonra bir fincan süd, yaxud bir neçə dilim meyvə yeyin. Yoxsa, gecə saat 12-də ürəyiniz dolma, ya da küftə istəyirsə, arıqlamaq fikrini unudun. 1. Soyuq duş.- Mütəxəssislər soyuq duşun insan orqanizminə faydaları haqqında çox danışıb. Soyuq duş kalorilərimizi atmağımızda kömək edir. Hesablanıb ki, 3 dəqiqə soyuq duşun altında durmaqla 40 kaloriyə əlvida demək olur.