Еңбек адамдарының еңбегі еленді скачать в хорошем качестве

Еңбек адамдарының еңбегі еленді

#qyzylordatv Облыс әкімі Алғыс айту күніне орай күндіз-түні уақытпен санаспай, халыққа қызмет көрсетіп жүрген түрлі сала өкілдерімен кездесті. Еңбек адамдарының мәртебесін арттырып, құрмет көрсетті. Марапат мінберінен көрінгендердің қатарында адам жанының арашасы дәрігерлер, қоғамдық қауіпсіздікті қамтамасыз етіп жүрген тәртіп сақшылары, сын сағатта басын қатерге тігіп, қайсарлық танытқан құтқарушылар мен коммуналдық сала қызметкерлері бар. Облыс әкімі халыққа қалтқысыз қызмет етіп, елдің алғысын арқалап жүрген азаматтарға ризашылығын жеткізді. НҰРЛЫБЕК НӘЛІБАЕВ, ОБЛЫС ӘКІМІ "Қасиетті Отанымызды қорғауда патриотизмнің нағыз үлгісін көрсетіп, өзіне жүктелген міндетті мүлтіксіз орындайтын айбынды әскери қызметшілерімізге, құқық қорғау саласы қызметкерлеріне, сын сағатта қайсарлық танытып, өзгенің өмірін сақтау үшін өз басын қатерге тігетін өрт сөндірушілер мен құтқарушыларымызға, шұғыл медициналық көмек көрсететін жедел жәрдем қызметкерлері мен жол саласы мамандарына, ел игілігі жолында еңбек етіп жүрген еріктілерімізге барша Сыр жұртшылығының атынан зор ризашылығымды, шынайы алғысымды білдіремін." Адал әрі табанды еңбегімен табысқа жеткен адамдар қашанда құрметке ие. Облыстық төтенше жағдайлар департаменті Жедел-құтқару жасағының құтқарушысы Асылхан Бақытов осындай еңбегінің арқасында марапат биігінен көрінді. АСЫЛХАН БАҚЫТҰЛЫ, ҚҰТҚАРУШЫ "Жедел құтқару жасағында үш жылдан бері жұмыс істеймін. Неше түрлі жағдайлар болады. Біз әрдайым дайын жүреміз. Мысалы бала қалып қояды үйде жедел түрде барып құтқарамыз. Халықтың алғысын аламыз." Салтанатты жиында түрлі қайырымдылық шара мен қала тазалығына атсалысып жүрген еріктілер мен өзге ұлт өкілдері де марапатталды. Алғыс айту күніне арналған шараға Парламент Сенатының депутаты Руслан Рүстемов қатысып, аймақтың дамуына атсалысып жүрген түрлі сала өкілдеріне алғысын жеткізді. Сайт - https://qyzylordatv.kz/ru/live Facebook -   / qyzylordatv   Instagram -   / qyzylordatv   Telegram - https://t.me/qyzylorda_tv Tiktok -   / qyzylorda_tv