Теміржолдағы топ-менеджерлер жолсеріктің міндетін атқарады скачать в хорошем качестве

Теміржолдағы топ-менеджерлер жолсеріктің міндетін атқарады

«Қазақстан темір жолы» ерекше жобаны қолға алды. Жолаушылар тасымалын дамыту үшін компания топ-менеджерлерін жолсерік қызметіне ауыстыруда. Басқарма басшылары мен бас мамандар бірнеше ай бойы теміржолда жұмыс істейді. Тасымалдау қызметінің қазіргі деңгейін, сапасын әрі кездесетін кедергілерді өз көздерімен көреді. Сәйкесінше туындаған мәселелерді шешу жолдарын да өздері тауып, арнайы жоба әзірлейді. Вокзал. Жолаушыларды отырғызу басталды. Адам қарасы көп. Бәрінің құжатын тексеріп үлгеру керек. Жүгі ауыр адамдарға көмектесу тағы бар. Ердәулет Байдуллаев, тілші -Жаңа жолсеріктер. Олармен бірге бізде сапарға шықтық. Пойыз құрамы 9 вагоннан тұрады. Бағыт – «Астана-Арқалық» қаласы. Тек кеңсе жұмысына бойы үйренген бастықтардың жолсерік кейпіндегі қызметі енді қызады. Жолаушылар билетін қайта тексеріп, жеке-жеке төсек-жабдық тарату қажет. Вагон жылы болу үшін от жағу, шайдың үнемі қайнап тұруы тағы бар. Олардың міндеті мұнымен шектелмейді. Пойыз бастығы вагонның баспалдағы мен тежеуішін қатқан мұздан тазалауды бұйырды. Бұл қызметтер ерлерге аса қиын емес. Әйелдер қауымына аздап салмақ түсірді. Аязда жолаушыны ілтипатпен шығарып салып, келесісін тосып алу. Оның сыртында вагонның тазалығы бар, қарт кісілерге шай беру, ақылы қызмет түрін ұсыну да бойы үйренбеген басшыларға оңай соқпады. Айгүл Әбутәліпова, «ҚТЖ»ҰК» АҚ басқармасының атқарушы директоры -Электронды билетті тексеру, вагонды көмірмен қамту қиын болды. Ал жолаушылар нені қалайды? Блиц: -Зарядник, сосын музыка мен телевизорын қоя салса. -Билет сәл арзандау болса жақсы болар еді. -Салқын, жел соғады. Сапар барысында вагондардың ескіргендігі аңғарылды. Содан да болар кейде жарық жүйесі сыр беретін болыпты. Арқалыққа жеткенше қаншама елді мекенді артқа тастадық. 15 сағаттық жолда жолсеріктер дұрыстап ұйықтай да алмады. Ерекше жобаға осы жолы 4 менеджер қатысты. Жоспар бойынша наурыз айының соңына дейін тағы 26 маман өзге бағыттарға жолсерік болып шығады. Соның қорытындысы бойынша жолаушы тасымалындығы бар мәселе анықталып, олқылықты жою көзделуде. Авторлары: Ердәулет Байдуллаев, Айдын Өнербаев