Qibray tumanidagi 4-maktabda Navro'z 2024 скачать в хорошем качестве

Qibray tumanidagi 4-maktabda Navro'z 2024

Bahor va tabiat uygʻonishining  timsoli - Sharqona yangi yilning boshlanishi boʻlgan Navroʻzi olamni katta shodiyona bilan nishonlash azal-azaldan el-yurtimiz uchun goʻzal anʼana hisoblanadi.  Xalqimizning koʻp asrlik ezgu qadriyatlarini, uning orzu-intilishlarini  oʻzida mujassam etgan ushbu qutlugʻ ayyom mamlakatimizda yashayotgan turli millat va elatlarga mansub barcha vatandoshlarimiz uchun umumxalq bayramiga aylandi. “2024-yilgi Navroʻz umumxalq bayramiga tayyorgarlik koʻrish va uni oʻtkazish toʻgʻrisida”gi   Oʻzbekiston Respublikasi Prezidentining qaroriga koʻra, mamlakatimizda ushbu goʻzal ayyom katta tantana qilinmoqda.        Mazkur umumxalq bayramini koʻtarinki kayfiyatda uyushqoqlik bilan nishonlash maqsadida Toshkent viloyati, Qibray tumanidagi 4-umumtaʼlim maktabida "Olam nurga to‘lsin sen bilan, Navro‘z!" shiori ostida bayram sayli boʻlib oʻtdi.  Tadbirda nuroniy otaxonu onaxonlar, oʻquvchi-yoshlar va ularning ustozlari, iqtidorli oʻgʻil-qizlar, elimiz ardogʻidagi sanʼatkorlar va yosh ijrochilar, maʼnaviyat fidoyilari, shoir va yozuvchilar ishtirok edi.        Soʻzga chiqgan maktab direktoru Dilfuza Rahimova tomonidan taʼkidlanganidek,  Navroʻzi olamning ruhi va falsafasida mujassam boʻlgan yaxshilik, ahillik va hamjihatlik, atrof-muhitni koʻz qorachigʻidek asrash kabi oliyjanob gʻoyalar  Yangi Oʻzbekistonda amalga oshirilayotgan  tarixiy oʻzgarishlarning  maqsad va mazmuniga toʻla hamohangdir. Bugungi kunda yurtimizda xukm surayotgan tinchlik, doʻstlik va birodarlik tuygʻularini mustahkamlash, xalqimiz, ayniqsa, yoshlarimiz ongu  shuurida Vatanimizning  buguni va kelajagiga dahldorlik tuygʻularini  kuchaytirishda ezgu anʼanalarimizni oʻzida mujassam etgan  Navroʻzi olamning ahamiyati benihoya katta. Shu sababli ham Navroʻzi olamni keng jamoatchilik vakillari, ayniqsa oʻquvchi yoshlar ishtirokida oʻtkazish maqsadga muvofiq ekani alohida qayd etildi.      Navroʻz   saylida milliy qadriyatlarimizu urf-odatlarimiz yanada boʻy koʻrsatdi, desak mubolagʻa boʻlmaydi. Zero, bayramona milliy ruhda bezatilgan maktab hovlisi va sinf xonalari barchasi Navroʻz shukuhini qalblarga ulashadi. Ayniqsa,  4-umumtaʼlim maktabi oʻqituvchilari tomonidan tayyorlangan milliy taomlarimiz hisoblanmish  sumalak, halim, palovxontoʻra, oʻquvchi qizlarning  tayyorlagan koʻk somsayu koʻk chuchvaralari yigʻilganlarga tortiq etildi.       Bayramga kuy-qoʻshiqlar, goʻzal raqslar yarashadi, aslida. Ayniqsa, Navroʻzi olamda milliy laparu alyorlarimiz, xalq oʻyinlariyu, xalqona kuy-qoʻshiqlar dillarga huzur bagʻishlab, oʻtmishimiz sanʼati va madaniyatini oʻzida namoyon etadi. Shu sababli ham, oʻquvchilar tomonidan tayyorlangan milliy raqslar, Ona Vatan, doʻstlik, bahor, yasharish,muhabbat,  ona-tabiat, tinchlik, osuda hayot tarannumidagi dilbar kuy-qoʻshiqlar barchaga birdek bayramona kayfiyatni ulashdi.  Oʻquvchi-qizlar tomonidan ijro etilgan nafis raqslar esa barchani davraga chorladi.