សាលាញូវហ្គេតវ៉េអន្តរជាតិ រៀបចំពិព័រណ៍ និងការប្រកួតប្រជែង ស្ទីម ដោយជោគជ័យ ខណៈ​សិស្សបានបង្កើតគម្រោង​.. скачать в хорошем качестве

សាលាញូវហ្គេតវ៉េអន្តរជាតិ រៀបចំពិព័រណ៍ និងការប្រកួតប្រជែង ស្ទីម ដោយជោគជ័យ ខណៈ​សិស្សបានបង្កើតគម្រោង​..

សាលាញូវហ្គេតវ៉េអន្តរជាតិ រៀបចំពិព័រណ៍ និងការប្រកួតប្រជែង ស្ទីម ដោយជោគជ័យ ខណៈ​សិស្សបានបង្កើតគម្រោង​ដែលមានបញ្ជូលគ្នានូវ វិទ្យាសាស្ត្រ បច្ចេកវិទ្យា វិស្វកម្ម សិល្បៈ និងគណិតវិទ្យា ជិតគម្រោង៤០០មកតាំងបង្ហាញ​ (ភ្នំពេញ)៖​សាលាញូវហ្គេតវ៉េអន្តរជាតិ បានរៀបចំពិព័រណ៍ និងការប្រកួតប្រជែង ស្ទីម ដើម្បីបង្ហាញស្នាដៃច្នៃប្រឌិតរបស់សិស្សានុសិស្សនៃ​​​សាលាញូវហ្គេតវ៉េអន្តរជាតិ ចាប់ពីថ្នាក់មត្តេយ្យ ដល់ថ្នាក់ទី១២​ ដែលពួកគេបានសិក្សា​ស្រាវជ្រាវ បង្កើតគម្រោងផ្សេងៗ ដោយ​បញ្ជូលគ្នានូវ វិទ្យាសាស្ត្រ បច្ចេកវិទ្យា វិស្វកម្ម សិល្បៈ និងគណិតវិទ្យា ដើម្បីរួមចំណែកដោះស្រាយបញ្ហាសង្គម។ ​កម្មវិធី ពិព័រណ៍ និងការប្រកួតប្រជែង ស្ទីម ​បានរៀបចំឡើងនាថ្ងៃ១៤ ខែមីនា ឆ្នាំ២០២៦នេះ នៅមជ្ឈមណ្ឌលឈូកមាសវេឌីញហល ២​ ដោយមានការចូលរួមពីសិស្សានុសិស្ស និង មាតាបិតាអាណាព្យាបាលសិស្ស​ ប្រមាណ ២,០០០ នាក់។ ថ្លែងនាឱកាសនេះ ​កញ្ញា ណា អែនជីលីណារចនា អគ្គនាយិការងនៃសាលាញូវហ្គេតវ៉េអន្តរជាតិ បានគូសបញ្ជាក់ថា ការរៀបចំ ពិព័រណ៍ និងការប្រកួតប្រជែង ស្ទីម គឺដើម្បីបង្ហាញសមត្ថភាពរបស់សិស្ស និងលើកទឹកចិត្តដល់ពួកគេឱ្យចេះយកចំណេះវិជ្ជាដែលទទួលបានពីក្នុងថ្នាក់រៀន ទៅផ្សារភ្ជាប់នឹងការរស់នៅជាក់ស្តែង តាមរយៈការបង្កើតនូវគម្រោងនានាដែលផ្តល់ប្រយោជន៍ដល់សង្គម។ កញ្ញាបន្ថែមថា តាមរយៈស្នាដៃដែលសិស្សានុសិស្សបង្កើតឡើងនេះ បានឆ្លុះបញ្ចាំងពីចក្ខុវិស័យរបស់ ​សាលាញូវហ្គេតវ៉េអន្តរជាតិ ដែលបង្រៀនផ្តោតជាសំខាន់ទៅលើ​វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា។​ ក្នុងពិព័រណ៍នេះ សិស្សានុសិស្សនៃ​​​សាលាញូវហ្គេតវ៉េអន្តរជាតិ ចាប់ពីថ្នាក់មត្តេយ្យ ដល់ថ្នាក់ទី១២មកពីគ្រប់កម្មវិ​ធីសិក្សា ​ ​បានបង្កើតគម្រោងចំនួន៣៩៧​ ​ដើម្បីបង្ហាញទៅដល់អ្នកចូលរួម តាមរយៈការបញ្ជូលគ្នា នូវ វិទ្យាសាស្ត្រ បច្ចេកវិទ្យា វិស្វកម្ម សិល្បៈ និងគណិតវិទ្យា។ អ្នកច្នៃប្រឌិតវ័យក្មេង​បានបង្ហាញពីការគិតបែបវិភាគ និងជំនាញសហការយ៉ាងល្អ ។ ​គំរូវិស្វកម្ម​ និងការពិសោធន៍វិទ្យាសាស្ត្រប្រកបដោយភាពច្នៃប្រឌិតនេះ ​បានបង្ហាញយ៉ាងច្បាស់ថា សិស្សានុសិស្សរបស់​​​​សាលាញូវហ្គេតវ៉េអន្តរជាតិ មិនត្រឹមតែជាអ្នករៀនសូត្រប៉ុណ្ណោះទេ ប៉ុន្តែគឺជាអ្នករួមចំណែកដោះស្រាយបញ្ហានាពេលអនាគតផងដែរ។ ​បន្ទាប់ពីបានដើរទស្សនាដៃស្នាដៃផ្សេងៗរបស់សិស្សរួមនឹងកូន របស់ខ្លួន យឿង វិសាល បានបង្ហាញអារម្មណ៍រីករាយបានឃើញស្នាដៃដែលកូនរបស់លោកបានបង្កើតឡើង។លោកបាន​លើកឡើងថា ការបង្រៀនផ្តោតលើបច្ចេកវិទ្យា និងការរៀបចំបង្កើតពិព័រណ៍នេះឡើង គឺមានសារៈសំខា​ន់ខ្លាំងណាស់សម្រាប់ការបណ្តុះបណ្តាលសិស្សស្របតាមការរីកចម្រើននៃបច្ចេកវិទ្យា និងបណ្តុះធនធានមនុស្សនៅកម្ពុជា ឱ្យកាន់តែខ្លាំង។ សម្រាប់គម្រោងដែលភាពលេចធ្លោនិងទទួលបានការគាំទ្រច្រើន ទទួលបានពានរង្វាន់ពីសាលាផងដែរ។ ក្នុងនាមគ្រប់គ្រងនៃសាលាញូវហ្គេតវ៉េអន្តរជាតិ ​ សូមអបអរសាទរ​ដល់បេក្ខជនទាំងអស់ និងសូមអរគុណជាពិសេសដល់លោកគ្រូអ្នកគ្រូសម្រាប់ការណែនាំដ៏ល្អ និងការខិតខំប្រឹងប្រែង។ ការលះបង់​នេះ ធ្វើឱ្យព្រឹត្តិការណ៍​នេះអាចប្រព្រឹត្តទៅបានយ៉ាងរលូន និងជោគជ័យ។ ​សាលាញូវហ្គេតវ៉េអន្តរជាតិ ពិតជាមានមោទនភាពចំពោះសិស្សគ្រប់រូបដែលបានចូលរួម និងធ្វើឱ្យកម្មវិធីដ៏ធំនេះទទួលបានជោគជ័យយ៉ាងត្រចះត្រចង់​ និងរួមគ្នាបង្កើតអនាគតដ៏ភ្លឺស្វាងតាមរយៈនវានុវត្តន៍​៕