Раиси Суғд хабарнигоронро қадрдонӣ кард. скачать в хорошем качестве

Раиси Суғд хабарнигоронро қадрдонӣ кард.

Раиси вилояти Суғд 27 хабарнигори расонаҳои маҳаллии давлатӣ ва гурӯҳиро қадрдонӣ намудааст. Субҳи имрӯз ба 27 нафар рӯзноманигорони расонаҳои чопӣ, телевизион ва радиоҳои давлативу ғайридавлатӣ дар вилояти Суғд ҷоизаҳои раиси вилоят, иборат аз сипоснома ва оизаҳои пулӣ, аз 7 ҳазор то 1.5 ҳазор сомонӣ барои маводи беҳтарин тақдим карда шуд. Маросими супурдани ҷоизаҳо дар толори хурди кохи Рӯдакӣ бо иштироки раисони вилояту шаҳри Хуҷанд ва гурӯҳи бузурги хабарнигорон гирифт. Барои матлабҳои рӯзноманигорон дар расонаҳои чопиву интернетӣ ва радио ва телевизион дар 3 бахш: кишоварзӣ, саноат ва мавзӯҳои доғи рӯз 9 ҷоизаӣ барои ҷойҳои 1 - 3 тақдим карда шуд. Рӯзноманигорони мустақил, аз ҷумла Неъматуллоҳи Мирсаид ва Тилав Расулзода ва Хуршеда Содиқова ва хабарнигорони нашрияҳову телевизион ва радиоҳои мустақил ва давлатии ҷумҳуриявӣ ва вилоятиву шаҳрӣ, Ҷовид Ниёзӣ ва Дилрабо Анорқулова (телевизони СТВ), Равзалӣ Амонов (хабарнигори шабакаи аввали телевизиони Тоҷикистон дар Хуҷанд), Муҳаббат Муродова (телевизиони СМ - 1), Афзал Босолиев (телевизиони Азия) соҳиби ҷоизаҳо гардиданд. Ҷоизаҳои пулӣ барои беҳтарин гузоришҳои телевизионӣ, 7, 5 ва 3 ҳазор сомонӣ барои ҷойҳои якум, дуюм ва сеюм ва барои мақолаву гузоришҳои радиоӣ, 4.5, 3, ва 1.5 ҳазор сомонӣ мувофиқан барои 3 ҷойи аввал (барои на кам аз 10 мавод) – ро ташкил медод. Ҳамчунин ба 5 рӯзноманигори аъол ҷоизаҳои пулии ҳавасмандгардонӣ ба маблағи 1 ҳазор сомонӣ ба ҳар кадом супурда шуд.