బీసీవై పార్టీ రాష్ట్ర కమిటీలో ప్రకాశం జిల్లాకి సముచిత స్థానం ! скачать в хорошем качестве

బీసీవై పార్టీ రాష్ట్ర కమిటీలో ప్రకాశం జిల్లాకి సముచిత స్థానం !

రాష్ట్రంలో ప్రత్యామ్నాయ రాజకీయ వాదం కోసం, బహుజన వాదం, హిందూ ధర్మ పరిరక్షణ, సామాజిక న్యాయం, నీతివంతమైన రాజకీయ వ్యవస్థ కోసమే బీసీవై పార్టీ ఆవిర్భవించిందని రాష్ట్ర ఎగ్జిక్యూటివ్ మెంబర్ నర్రావుల శ్రీనివాసరావు అన్నారు. బీసీవై పార్టీ వ్యవస్థాపకులు రామచంద్ర యాదవ్ రాష్ట్రస్థాయి లో వివిధ కమిటీల నియామకం చేపట్టారు. తొలి విడతలో నియమించిన కమిటీలో జిల్లాలో పలువురికి అవకాశం కల్పించడం జరిగింది. దీంతో జిల్లాలో బీసీవై పార్టీలో పదవులు పొందిన వారిని స్థానిక నాయకులు సత్కరించారు. ఈ సందర్భంగా ఏర్పాటు చేసిన మీడియా సమావేశంలో శ్రీనివాసరావు మాట్లాడుతూ బీసీవై పార్టీ స్థాపించినప్పటి నుండి రాష్ట్రవ్యాప్తంగా పర్యటిస్తూ ప్రజల సమస్యలపై అనేక పోరాటాలు చేశారని గుర్తు చేశారు. పార్టీ పటిష్టత కోసం రాష్ట్ర స్థాయి నుండి జిల్లా కమిటీలు నియామకం చేపట్టారన్నారు. రాష్ట్ర స్థాయిలో తమను గుర్తించి పదవి ఇచ్చారని, పార్టీ సిద్ధాంతాలను గ్రామస్థాయి వరకు తీసుకెళ్తానని శ్రీనివాసరావు తెలిపారు. బీసీ భావజాలాన్ని ప్రజల్లోకి తీసుకెళ్లి ఎస్సీ, ఎస్టీ, మైనార్టీలను కలుపుకుంటూ రాజ్యాధికార దిశగా పనిచేస్తామన్నారు. సామాన్యుడి చేతిలో పాలన, మహిళలకు భద్రత, రైతులకు అండగా నిలబడటం కోసం బీసీవై పార్టీ ఏర్పడిందన్నారు. పిఎసి(PAC) సభ్యులు మీసాల సామ్రాజ్యం మాట్లాడుతూ రాజకీయంగా బీసీలను ఎదిగేందుకు ఎంతగానో బీసీవై పార్టీ వ్యవస్థాపకులు రామచంద్ర యాదవ్ ప్రోత్సహిస్తున్నారని, గతంలో ఏ రాజకీయ పార్టీలు గుర్తించనంతగా బీసీవై పార్టీ అన్ని ప్రాంతాల్లోని బీసీ నాయకులను గుర్తించి ప్రోత్సహిస్తుందని తెలిపారు. రాష్ట్రంలో బీసీలంతా ఉన్నతంగా ఉండాలన్నదే రామచంద్ర యాదవ్ ప్రధాన ఉద్దేశం అని, దీనికోసం అన్ని వర్గాల ప్రజలు ఆయన వెంట నడవాలని కోరారు. కార్యక్రమంలో యాదవ ప్రొటెక్షన్ ఫౌండేషన్ ప్రెసిడెంట్ మల్లెబోయిన రాజు, బీసీవై సోషల్ మీడియా ప్రతినిధి కావేటి కృష్ణ, తోక వీరయ్య, తోక రాజు లు పాల్గొన్నారు.