Osteoxondroma скачать в хорошем качестве

Osteoxondroma

Osteoxondroma - bütün sümük şişlərinin 10-15%-ni əmələ gətirir və bütün xoşxassəli sümük şişlərinin 35%-ni təşkil edir. Çox vaxt asimptomatikdir, sporadik və solitar hallarda çox aşağı maliqn potensiala malikdir. Osteoxondromalar skelet böyüməsinin ən sürətli çağında - uşaq yaşlarında inkişaf edirlər və ömrünün sonundadək qalırlar. Bunlar hər hansı bir yaş dövründə yarana bilərlər və çox vaxt təsadüfi tapıntılardır. Osteoxondromalar adətən sporadikdirlər, lakin multipl irsi ekzostoz və Trevor xəstəliyinin bir hissəsidə ola bilər. Bədxassəli transformasiya qığırdaq qapağında olur və sporadic solitar osteoxondromalarda 1% hallarda baş verə bilər, hərçənd ki, multipl irsi ekzostoz hallarında 5-25% hallarda ola bilər. Osteoxondromanın simptomatik təzahürü adətən ocağın mexaniki təsirindən, sınıq və ya maliqn transformasiyasının nəticəsində olur. Mexaniki simptomlara qonşu strukturların impincmenti, yəni sinir və damar sıxılması, reaktiv miozit, əllənən kütlə, bursa formasiyası və bursit aiddir. Sınıqlar adətən pedunkulyasiya olunmuş törəmənin boyun hissəsində baş verir. Skelet maturasiyası baş verdikdən sonra törəmənin ölçülərinin davamlı böyüməsi və ya ağrı simptomu bədxassəli degenerasiya üçün şübhəlidir. Osteoxondromalar xondroid neoplasm hesab olunurlar, anadangəlmə ola bilər və ya böyümə lövhəsinə əvvəllər baş vermiş travma nəticəsində yarana bilər. Osteoxondromalar çox vaxt appendikulyar skeletdən inkişaf edirlər, xüsusən dizin ətrafında olurlar. Bunlar halların 50%-də aşağı ətraflarda, azalan sıxlıqda bud sümüyündə, qamış sümüyü və daha az hallarda ayaq və çanaq sümüklərində yaranırlar. 10-20% hallarda bazu sümüyündə ola bilərlər. Rentgen müayinəsində osteoxondromalar səssiz, və ya ayaqcıq üzərində, və mefizar bölgədə, tipik olaraq epifizdən uzağa proyeksiya olunan kütlələr şəklində görünürlər. Adətən sümüyün metafizar hissəsi genişlənmiş olur. Qığırdaq qapağının görünüşü fərqli olur. Qığırdaq qapağı nazik ola bilər və müəyyən edilməsi çətinləşə bilər və ya həlqə və qövsşəkilli kalsifikasiyalarla qalın ola bilər. Subxondral sümük nahamar ola bilər. Osteoxondromanın qığırdaq qapağı T1 ağırlıqlı aparmalarda orta və ya aşağı intensivlikdə, T2 ağırlıqlı aparmalarda yüksək intensivlikdə olur. Qığırdaq qapağının qalınlığının 1.5 cm-dən qalın olması bədxassəli degenerasiya üçün şübhəlidir. Kontrast maddə yeritdikdən sonra qığırdaq qapağını örtən yumşaq toxumalarda xoşxassəli sahələr öz fibrovaskulyar təbiətinə görə normalda kontrastlanırlar, lakin qığırdaq qapağının özü kontrastlanmamalıdır. https://radiopaedia.org/articles/oste...