සන්නි යකුම - මහ සමයම -මාතර සම්ප්‍රදාය скачать в хорошем качестве

සන්නි යකුම - මහ සමයම -මාතර සම්ප්‍රදාය

පහතරට මාතර සම්ප්‍රදායේ වා පිත සෙම යන තුන් දෝශ කිපීමෙන් හටගන්නා රෝගාබාධ සදහා සන්නියකුම ශාන්තිකර්මය සිදුකරයි.මාතර සම්ප්‍රදායේ යක් තොවිල් වලින් පද සාස්ත්‍රය වැඩි තොවිලය ලෙස සන්නියකුම හදුන්වයි.සන්නියකුම් සදහා ප්‍රසිද්ධ ගුරුකුල පරම්පරාවන් අදටත් මේ ප්‍රදේශ වල සිටිති.හැන්දෑ සමයම හා මහ සමයම මෙහී විශේෂයෙන් දැක්විය හැකි අතර පන්දම් පද හා පන්දම් ඉරට්ටි නැටීම විශේශ ලක්ශනයකි.හැන්දෑ සමයමට පන්දම් පද 07කුත් අන්තාඩි හතකුත් ඉරට්ටි හා සුරල් 07කුත් මහ කොල් පාඩුව සහ එහි සුරල් 07 ඒ වාගේම මහ සමයම නොහොත් සන්නි සමයමේදී පමණක් ගුරුකුල පරම්පරා වලට පන්දම් පද 7ක් සහා සුරල් 7කුත් පමණක් ගුරුකුල පරම්පරා සදහා පන්දම් පද 12කුත් සුරල් 12කුත් මෙහි පද සාස්ත්‍රය පිලිබද මනාව පෙන්නුම් කරයි.මා නර්තන සාස්ත්‍රය උගත් තිත්තගල්ල පොල්වත්ත ගුරුකුල පරම්පරාවේ මා ගුරු දේවෝත්තම දිවංගත පියතුංග බටුවංගල මා ගුරු පියාණන් කී පරිද්දෙන් පොල්වත්ත ගුරු කුල පරම්පරාව හා කෝද ගොඩ පරම්පරාව සනියකුම් සදහා ප්‍රසිද්ධ පරම්පරාවල් වේ.එනම් මහ සමයම සදහා පන්දම් පද 12 ත් සුරල් 12ත් නිසාවෙනි.වර්ථමානයේ මේ සදහා දක්ෂ වාදන ශිල්පීන් සිටින්නෙ අල්ප වශයෙනි.හේනේගම සිරිපාල (හිච්චි මාමා) මහත්මයා අමතක නොකරම බැරිය.එනම් මාතර සම්ප්‍රදාය ඕනෑම ගුරුකුලයකට බෙර වාදනය කිරීමට එතුමා උපන් හපන් ඇතිකම්‍ ය.මෙහි දැක් වෙන්නේ සන්නියකුමෙ මහසමයමේදී කඩතුරා හැර ආතුරයින් හට වීදිය දක්වා වීදී උපත් ගායනා කොට තොරණ් විස්තරය දැක්වීමේදී වීදීයේ දොරටු පැනීමේ අවස්ථාවයි.ඉන්පසු පන්දම් පද නැටීම හා පන්දම් සුරල් නැටීම සදහා අවතීර්ණ වේ.