D vitamini çatışmazlığının əlamətləri nədir və hansı xəstəliklərə səbəb olur? скачать в хорошем качестве

D vitamini çatışmazlığının əlamətləri nədir və hansı xəstəliklərə səbəb olur?

Ekspert: Dr. Hidayət Məmmədzadə - Endokrinoloq D vitamini çatışmazlığının əlamətləri nədir və hansı xəstəliklərə səbəb olur? Vitamin D çatışmazlığının əlamətləri əksikliyin nə vaxtdan və nə müddətdə başlamasından çox asılıdır.Yəni uzun müddətli Vitamin D defisiti olan və ciddi aşağı rəqəmlərdə Vitamin D səviyyələri olan insanlarda bu şikayətlər daha qabarıq özünü göstərir. Bilinən, tibbi cəhətdən sübut olunan raxit xəstəliyi zamanı uşaqlarda sümük boşalması və buna bağlı yaranan deformasiyalar, yaşlı insanlarda isə osteomalyasiya dediyimiz sümük kövrəlməsi, osteoporoz qeyd olunur.Bunlar vitamin D çatışmazlığının ən bariz klinik əlamətləridir. Bundan başqa, son dövrlərdə bir çox ümumi şikayətlər Vitamin D çatışmazlığı ilə əlaqələndirilir.Hansı ki, bu şikayətlərdən əziyyət çəkən insanlar Vitamin D preparatları ilə müalicə olunur və yaxud proflaktik olaraq günəşlənirsə onlarda həmin şikayət keçib gedir. Bu şikayətlərdən ən çox proksimal miyopatiya dediyimiz əzələ gücsüzlüyü, allergik xəstəliklərə meyillilik, tərləmələr, sümük əriməsi Vitamin D çatışmazlığı olan insanlarda daha çox özünü qabarıq göstərir. Vitamin D çatışmazlığı dedikdə, ilk növbədə, sümük problemi ağıla gəlsə də, Altsheymer xəstəliyindən, depressiyalardan, dağınıq sklerozdan tutmuş bir sıra neyropatik ağrılara qədər, bu kimi xəstəliklərin Vitamin D çatışmazlığı ilə əlaqəsi ehtimal edilməkdədir.Vitamin D defisiti olan insanlarda şəkərli diabet, ürək-damar xəstəlikləri, arterial hipertenziya, hətta vərəm xəstəliyinə belə risk artmış olur. Bu xəstələrdə kalsiumun, fosforun aşağı düşməsinə bağlı olaraq əllərdə keyimələr, tərləmədə artma, paresteziyalar, neyropatik ağrılar, saç tökülmələri ehtimal edilməkdədir. Eyni zamanda, Vitamin D, D hormonu dediyimiz bu elementin xərçəngə qarşı qoruyucu və immun sistemi üçün də faydalı olduğu bilinməkdədir.