#Original скачать в хорошем качестве

#Original

Tangkhul Luiramli okthuida khalei tangkhul ruichumnao zaikora kala kharam ngatatei dali pamzata khalei Tusom Khullennao, Tusom khullenwui yorla bing, Tusom khullen wui ara-aza bing nathum zaikorali Varewui ming kasing eina ngsaotaTusom khullen Women Society kala Youth Society wui ringkapha salaam midalei. Varena mayakhami alungli, Kateowa Tusom khullen ram hilila Women Society kala Youth Society shomsang mida, Thuikahai 2021 kum chili Jubilee Khamayon samphang ngasak haira. Vareli ningshida masot miching dalei. Kasak masakapai leikahai wuivang, atam chada Jubilee hiwui video hi release masapai thumana. Atam hina ngayon haisalala, ithum leikashi eina yangngarum luishitsa. Miram kateiwui thada kashunglak eina masashokrer salapaiya. kha, Varena ngasokhami kala awui ngaran khami alungli sakashap, vakashap eina tangda ngaran haili. Nathumna khavat khangazan khalei chili mayangmi haila kha, katom kapai, chipem khapai leiakha chipemsang milo Kala ngazanlak kahai alung hilila tamkhui kapai leida tamkhui shukhui ngasak dalei akha, chi Varewui Ningyang khaung ngsasa ranu. LATLUITA KACHITHEI SALI!! Techinical issue leikahai wuivang, Programme vashung vapei dawui Amu makhuirer thumana. China maram sada, kachi katha kaikhawui video clips, langmeida matailak kahai program akha khaniwui videos makazangla leisapai. Hotna kapai hotna haira. Kha, kalikha nawui, iwui kala awui parts chi semhaida khalei video hili kula shida mazang salala, mazang manada ning suita kahai masa mialu kachi hi Media team wuishong eina remeithuida ning khangatei eina ngasota saklak eina khagakaona. Ningshilak haira. Editor, Somingam Chamroy From Halang Village, Ukhrul Manipur.