[05] សាមគ្គី សាមគ្គានំ តបោ សុខោ скачать в хорошем качестве

[05] សាមគ្គី សាមគ្គានំ តបោ សុខោ

"សាមគ្គី សាមគ្គានំ តបោសុខោ " សាមគ្គីធម៌ ជាច្បាប់សម្រាប់ប្រតិបត្តិឲ្យមានសាមគ្គី គឺសេចក្ដីព្រមព្រៀងស្រុះស្រួលគ្នា ហើយប្រកបការងារដោយស្មោះអស់ពីចិត្តឥតកិច្ចកល ប្រាសចាកក្ដីសល់វល់សាន់វ័ណ្ឌ និងសេចក្ដីរង្គៀសរឱស្ថាន រវាងមនុស្សនិងមនុស្សក្នុងសង្គម។ សាមគ្គធម៌ជាឧបករណ៍ដ៏ឧត្តុង្គឧត្តមបំផុត និងជាអាវុធពូកែសក្ដិសិទ្ធិ ជាគុណសម្បត្តិដ៏សំខាន់របស់មនុស្ស ។ ការព្រមព្រៀងគ្នាដោយកាយវាចានិងដោយចិត្ត ពិតជាកម្លាំងដ៏ខ្លាំងក្លា ឥតមានសត្រូវឬបច្ចាមិត្តណាប្រមាថពាធាបំផ្លិចបំផ្លាញបានឡើយ ។ មនុស្សនិករក្នុងសង្គមនីមួយៗ គប្បីហាត់ពត់លត់ដំទប់ទូន្មានចិត្តហើយសម្រេចចិត្តរបស់ខ្លួនឲ្យស្របនឹងចិត្តជនដទៃ កុំឃ្មាតខ្មីប្រជែងប្រណាំងដណ្ដើមយកឈ្នះ គួរបោះបង់អស្មិមាន: ឲ្យជ្រះស្រឡះចាកខន្ធសន្ដាន ហើយបណ្ដុះសាមគ្គីភាពឲ្យមានជាដរាបក្នុងសង្គម ។ ពួកក្រុម ឬ សង្គម ដែលមានសាមគ្គីរអឹករអឺនព្រមព្រឺសជាមួយគ្នា មានសមានច្ឆន្ទ:ស្មោះស្មានរកគ្នា មិនមានការច្រណែនឈ្នានីសឬការប្រមាថពាធជន្មគ្នា ដោយឧបាយកលទុច្ចរិតផ្សេងៗ បើសង្គមឯងនោះធ្វើការជាសាធារណប្រយោជន៍ដល់ប្រទេស ហើយមិនធ្វេសប្រហែសបោះបង់ចោលនូវព្យាយាមទេ កិច្ចការសង្គមនោះ នឹងបានស្រេចជោគជ័យតាមប្រាថ្នាមិនខាន ។ យុវជនខេមរជាតិ គួរឧស្សាហ៍សង្វាតរៀនវិជ្ជានិងសីលធម៌ ហើយគួរតាំងអធ្យាស្រ័យបំពេញសាមគ្គីរសស្មោះសររាប់រកគ្នាឲ្យបរិបូណ៌ឡើង ពួតដៃជាមួយជនរួមជាតិយើង ហើយចូលរួមអភិរក្ស អភិវឌ្ឍសម្បត្តិវប្បធម៌ ប្រពៃណីទំនៀមទម្លាប់និង ធនធាននានា ដើម្បីរួមចំណែកក្នុងការកសាងជាតិមាតុភូមិឲ្យបានថ្កុំថ្កើងរុងរឿង ជាភិយ្យោភាព តទៅ ។