පූජා Pooja 9 скачать в хорошем качестве

පූජා Pooja 9

යොවුන් නවකතා රචක මහේෂ් රත්සර මද්දුමආරච්චි විසින් රචනා කල පූජා නවකතාව ඇසුරින් එරංග සේනාරත්නයන් අතින් නිර්මාණය වූ මේ ටෙලිනාට්‍යය 2005 වසරේ දී ස්වර්ණවාහිනි නාලිකාවෙන් විකාශය විය. පූජා නවකතාව නිසාම මේ ටෙලිනාට්‍යය ඉතාමත් ජනප්‍රිය වූ අතර ඕෂධී හේවාමද්දුම එවකට නැගී එන නිළියක් ලෙස ඉමහත් ජනාදරයට පත්වූවාය. තරුණියන්ගේ සිත් වසඟ කරවන නවකතා රචකයෙක් වන නිර්මල දියදහර සේනානායක, සිය රෝගී වූ දරුවා ජීවත්කරවීමට මහත් පරිශ්‍රමයක් දරද්දී, ඔහුගේ නවකතාවකට වසඟ වූ පූජා නමැති පොහොසත් රුවැති තරුණියක් ඔහුට උමතුවෙන් මෙන් පෙම් කරයි. ඇය විසින් ඔහුට තම අනන්‍යතාව හෙලි නොකරමින් විවිධ තෑගි භෝග දෙන අතර, දෛවෝපගත ලෙස පූජාගේ පවුලට අයත් වෙළඳ දැන්වීම් ආයතනයක රැකියාවට යයි. එතැන් සිට ඔවුන් දෙදෙනාගේ ජීවිත විවිධ ගැටුම් මධ්‍යයේ ගලා යන අතර කතාව අවසානයේ දී නිර්මලගේ දරුවාගේ රෝගී තත්ත්වය සුවවන්නේ ද පූජා විසින් ලබාදුන් මුදල් වලින් සිදුකරන ලද සැත්කමක් මගිනි. මෙය හුදු ප්‍රේම කතාවක් ම නොව, සමාජයට වැපිරිය යුතු මානුෂීය ගුණාංග පිළිබඳව ඉතාමත් සංවේදී ලෙසින් ප්‍රේක්ෂකයින් තුළට ගෙනයන සමාජ සත්කාරයක් බඳුය. මෙහි රංගනය සඳහා සුරාජ් මාපා, ඕෂධී හේවාමද්දුම, රෙක්ස් කොඩිප්පිලි, ගයනි ගිසන්තිකා, ඥාණාංග ගුණවර්ධන, තරූෂි පෙරේරා, සරත් චන්ද්‍රසිරි, නුවන්ගි ලියනගේ, ලක්ෂ්මී දමයන්ති, දමිතා සළුවඩන, රංජිත් ගාමිණි පෙරේරා, ස්වර්ණා රත්නායක, ඈන් ෂෙහානි ඩැනියෙල්, ප්‍රවීණා විරාජිනි, රූපා ඉන්දුමතී, කුමාරි පෙරේරා, ඩොටි ජයසේකර, ප්‍රේමදාස විතානගේ ඇතුළු නළු නිළියන් රැසක් දායක වූ අතර බන්දුල විතානගේ සහ රෝහිත ඩයස් යන රංගන ශිල්පීන් ආරාධිත රංගනයෙන් දායක වූහ.