Өңір дамуына үлес қосқан нәзік жандылар марапатталды скачать в хорошем качестве

Өңір дамуына үлес қосқан нәзік жандылар марапатталды

Көктемнің шуақты мерекесі – 8 наурыз қарсаңында нәзік жандыларға деген құрмет ерекше арта түседі. Өмірге жылулық пен мейірім сыйлайтын аналар, әжелер, қыз-келіншектер – әр шаңырақтың берекесі, қоғамның тірегі екен анық. Бүгін Өнер орталығында аймақтағы 50-ге жуық нәзік жандыны облыс әкімі Асхат Шахаров құттықтады. Әйел – өмірдің сәні, отбасының берекесі. Ана болып ұрпақ тәрбиелеп, әулеттің көркіне айналған қыз-келіншектер қоғамның әр саласында аянбай еңбек етіп келеді. Бүгінде олар білім мен ғылымда, медицина мен мәдениетте, кәсіп пен өндірісте табысты еңбек етіп, аймақтың дамуына өз үлестерін қосып жүр. "Қара нардай қайыспай, ел жүгін көтеріп жүрген, ақ тілеумен алға бастаған нәзік жандылардың кез келгені де марапатқа лайықты, деді Асхат Шахаров. Бүгін Президент Жарлығымен «Құрмет» ордені адам жанының арашасы - Бағыт Тапаловаға берілді. Ал, «Ерен еңбегі үшін» медалі - ақын Гүлімай Әбішқызына, спортшы Гүлім Құрманбаеваға, ұстаз Дина Қыдырбаеваға, жеке кәсіпкер Қаракөзайым Скендіроваға табысталды. Аймақ басшысы өңір дамуына үлес қосқан әйелдер қауымына алғыс білдірді. 40-тан астам қыз-келіншек облыс әкімі Асхат Шахаровтың құрметіне бөленді. Қатарында білім, денсаулық сақтау, спорт, мәдениет құқық қорғау, байланыс, әлеуметтік және өзге де салалардың мамандары бар. Оларға облыс әкімінің атынан "Құрмет грамотасы" мен "Алғыс хат" табысталды. Сайт телеканала http://www.rikatv.kz/ Twitter   / rika_kz   Вконтакте https://vk.com/rikatv Telegram https://t.me/evrikaaktobe