Çinin Uyğur Türklərinə qarşı "beyin yuma" düşərgələri скачать в хорошем качестве

Çinin Uyğur Türklərinə qarşı "beyin yuma" düşərgələri

Oradan qaça bilməzsiniz. Orada azadlıq yoxdur. Hər yerdə kameralar var. Hamam belə kameralarla izlənilir. Həmişə gözətçilərin nəzarəti altındasan. Gülzira Çinin “təhsil” düşərgələrinin birində 15 ay qaldı. Təxminən bir milyon müsəlman Sintszyandakı bu düşərgələrdə saxlanılır. Çin bunların “təhsil düşərgəsi” olduğunu söyləyir amma alınan məlumatlara görə buralarda “beyin yuyulduğunu” göstərir. “Şahidlərdən və xilas olanlardan eşitdiklərimiz bu sənədlərdəkilərlə üst-üstə düşür. Nasistlərin etdiklərini xatırladır mənə. Bu faylın bir nüsxəsi, bütün dünyadakı siyasətçilərin və millət vəkillərinin qarşısında olmalıdır.” Nuri Türkəl (Uyğur insan hüquqları araşdırması) Son üç ildə Çinin Qərb tərəfində bu düşərgələrdən yüzlərlə inşa edildi. Ancaq “otur” deyilən yerdə oturmaq olar, “yat” dedikləri yerdə yata bilərsiniz. Qadınlara ayaq yolu ehtiyacları üçün 2 dəqiqə vaxt verilir. Tez olmağın üçün qışqırırlar. Əgər tez olmasan, başının arxa hissəsinə elektrikli çubuq ilə cərəyan verilir. Elektrik şoku aldıqdan sonra da “Təşəkkür edirəm müəllim, bir daha gecikməyəcəyəm” deməniz lazım. “Şagirdlərin müəyyən yatış vəziyyəti, sabit toplanış sırası, siniflərində sabit oturma yeri və qabiliyyət işləri əsnasında da sabit atelyeləri olmalıdır. Bunların dəyişdirilməsi qəti şəkildə qadağandır.” Heç belə şey görməmişəm. Bu haradan baxılırsa-baxılsın, həddindən artıq sərt rejimli idarəçetmə anlayışı. Bu cür ağır nizam-intizama, heç hərbi həbsxana sistemində belə rast gələ bilməzsiniz.” Ben Emerson (vəkil) Çin, öz deyimi ilə “terrorizmlə” mübarizə apardığını söyləyir. “Bu insanlar müsəlmanlardır və onların fərqli mədəniyyətləri və dinləri var. Çin hökuməti uzun müddətdir ki, əksəriyyəti etnik Uyğur olan bu cəmiyyəti “sədaqətsiz” olaraq qiymətləndirir.” Sofi Riçardson (İnsan Hüquqları Müşahidə Təşkilatı) “Sizin beyninizi yuyacağıq, fikirləriniz problemlidir” dedilər. Dinin, bizim üçün pis olduğunu söylədilər. Bunu hər gün təkrarlatdılar. Orada dinimi və dilimi yox edirlər. Sayragül bu düşərgələrdən birində müəlliməlik etməyə məcbur edildi. O “sistemin içi” haqqında danışan ilk şahiddir. Onlara dəfələrlə bunları təkrarlatdıq: “Kommunist partiya olmadan yaşaya bilmərəm”. “Kommunist partiya mənə necə yaşamağım lazım olduğunu göstərir”. Məndən soruşsanız, hökumətin əsas məqsədi etnik azlıqları Çinli etməkdir. Bunun təhsillə əlaqəsi yoxdur, tamamilə mədəniyyətin yox olması məqsədi güdülür. Çinin İngiltərədəki səfiri, düşərgələr “təhsil üçün var” deyir: “Bu düşərgələrin bir etnik azlığa qarşı, kütləvi beyin yuma əməliyyatı aparmaq üçün yaradıldıqları xaricində başqa bir fikri müdafiə etmək çox çətindir . Bu düşərgələr etnik Uyğurların mədəniyyətlərini yer səthindən silmək üçün hazırlanmışdır. Çinin İngiltərədəki səfiri, BBC Panaroma tərəfindən əldə edilən sənədlərin “saxta” olduğunu iddia etdi. Səfir: “Müsəlman Uyğurların yaşadığı Sintzyanda son üç il ərzində tək bir “terrorist” hücum olmadı. Buradakı xalq, güvən içində daha xoşbəxt həyat sürür və alınan tədbirləri də dəstəkləyir.”