အပစ်ရပ် ၇ ဖွဲ့ အစည်းအဝေးမှာ မပါဘူးလို့ PNLO နဲ့ LDU ပြော скачать в хорошем качестве

အပစ်ရပ် ၇ ဖွဲ့ အစည်းအဝေးမှာ မပါဘူးလို့ PNLO နဲ့ LDU ပြော

အပစ်ရပ် ၇ ဖွဲ့ အစည်းအဝေးမှာ မပါဘူးလို့ PNLO နဲ့ LDU ပြော (ရုပ်/သံ) ဧရာဝတီ၊ ဇန်နဝါရီ ၁၇၊ ၂၀၂၄ မြန်မာ့ နိုင်ငံရေး၊ စစ်ရေး အကြပ်အတည်းတွေကနေ အမြန်ဆုံး လွတ်မြောက်နိုင်ရေး သက်ဆိုင်သူတွေ အားလုံးပါဝင်တဲ့ ဆွေးနွေးပွဲတွေ ဖြစ်လာဖို့ ကြိုးပမ်းနေတယ်လို့ တိုင်းရင်းသား လက်နက်ကိုင် အဖွဲ့အစည်း (၇) ဖွဲ့နဲ့ ဖွဲ့စည်းထားတဲ့ 7 EAOs Alliance က ထုတ်ပြန်ပါတယ်။ ဇန်နဝါရီ ၁၄ ရက်က ပြုလုပ်ခဲ့တဲ့ ဒီအစည်းအဝေးအတွင်း 7 EAOs Alliance အဖွဲ့မှာ ပါဝင်တဲ့ တိုင်းရင်းသားလက်နက်ကိုင် ၇ဖွဲ့လုံး တက်ရောက်ခဲ့တယ်လို့ ပြောရေးဆိုခွင့်ရှိသူ ဗိုလ်မှူးကြီး စောကျော်ညွန့်က ပြောပေမယ့် ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) နဲ့ လားဟူဒီမိုကရက်တစ်အစည်းအရုံး (LDU) တို့ကတော့ ဒီအစည်းအဝေးနဲ့ ပတ်သက်ပြီး သူတို့အနေနဲ့ ဘာမှ မသိရဘူးလို့ ဧရာဝတီကို ပြောပါတယ်။ ဆွေးနွေးပွဲအတွင်းမှာ 7 EAOs Alliance အဖွဲ့ဝင်တွေအနေနဲ့ မြန်မာ့အရေးမှာ သက်ဆိုင်သူတွေ အားလုံး ပါဝင်လာရေး၊ EAOs တွေ အချင်းချင်း ညှိနှိုင်း၊ ပူးပေါင်းမှု ပိုမို ရရှိလာစေရေးတွေ အပါအဝင် ပြည်တွင်းနိုင်ငံရေးဘောင် ချဲ့ထွင်ရေး လုပ်ငန်းစဥ်တွေကို တိုးမြှင့်ဆောင်ရွက်ဖို့ဆိုတဲ့ အချက်တွေ ဆွေးနွေးခဲ့ကြတယ်လို့လည်း ဗိုလ်မှူးကြီး စောကျော်ညွန့်က ဆိုပါတယ်။ ဒါပေမယ့် 7 EAOs Alliance အဖွဲ့ရဲ့ လုပ်ဆောင်ချက်တွေဟာ စစ်အာဏာရှင်ကို အမြစ်ဖြတ် ချေမှုန်းဖို့နဲ့ စစ်အနိုင်တိုက်ရေး လမ်းစဥ်ကို လက်ကိုင် ကျင့်သုံးသွားမှာဖြစ်တယ်လို့ ကြွေးကြော်ထားတဲ့ တိုင်းရင်းသား လက်နက်ကိုင်အဖွဲ့တွေနဲ့ မြန်မာလူထုရဲ့ ပကတိ ဆန္ဒမဟုတ်တာကြောင့် အလုပ်မဖြစ်နိုင်ဘူးလို့ စစ်ရေး၊ နိုင်ငံရေး အကဲခတ်တွေက သုံးသပ်နေကြပါတယ်။