KIRA shi YIANI MANTSU - Spuni-nj, bre, gione скачать в хорошем качестве

KIRA shi YIANI MANTSU - Spuni-nj, bre, gione

„Protlu cursu di Limbã shi Literaturã Armãnã”, Freiburg, 1986 Cãntã: KIRA shi YIANI MANTSU Aestã versiuni urdinã la armãnjilji yrãmusteanji, cu numa “Spuni, bre, gione”. Poezia orighinalã easti “Sclavlu”, di Mihail Nicolescu (1835-1865) "Spuni-nj, bre gione, ocljiul di-amurã, Tsi eshtsã tini? Unu Armãnashu? Budzãli-aroshi, mushata-ts gurã Mi-alashi nã oarã dultsi s-li bash? Cã tsi amu, nu shtiu; di cãndu tini Ti vidzuiu prota,-arãu lãndzidzãscu, Shtii cã shi somnul fudzi di mini? Ca tseara, gione, ah! mi tuchescu. Macar tsi lucru-l ljau mini-n mãnã, Pari cã u poartã, ah! 'namea-a ta, Lãcãrnj-atumtsea, ca ditu fãntãnã, Ãnj curã dultsi pristi fatsa-a mea. Yina, bre, gione, preaclj s-nã fatsimu, Unu trupu, unu suflit, doilji s-avemu Aestã banã doilji s-u treatsimu, Scafa di moarti doilji s-nã-u bemu. Tsi easti, gione, aestã tãtseari? Ocljiul diunãoarã tsi lu-aplicashi? Ah! nu-ai ti mini, nu-ai nã vreari, Fudz, fudz, mi-alasã: mi vãtãmashi". "Ascultã ghini, featã mãratã: Shtiu shi cunoscu, ti mini ai doru; Tsi s-fac? sclavu escu, inima-i datã: Giuraiu pi crutsi-a altãljei amoru. Aestã easti a mea tãtseari, Ocljilji diunãoarã ti-atsea aplicai, Ti-atsea trã tini nu amu altã vreari, Ma shtii, tsi, soro? Frati sã-nj mi-ai".