مُنیر مومن ءِ دستونکاں گوناب سازی ۔ شرف شاد ۔ بلوچی مراگش بام شُبین ۔ скачать в хорошем качестве

مُنیر مومن ءِ دستونکاں گوناب سازی ۔ شرف شاد ۔ بلوچی مراگش بام شُبین ۔

گوناب سازی ءِ ربیدگ بلوچی شاعری ءٙ چہ کوھن ءُ قدیم ءٙ موجود اِنت ، ندارگ سازی ، محاکات ، جُزئیات نگاری ، چھر ءُ شُبین سازی ءٙ گوناب سازی ءِ رنگ ءُ دروشم ارزانی ءِ پولگ بیت کن اٙنت ، نوکیں بلوچی شاعری ءٙ ہم اے مئیل پدّریں وڈے ءٙ پولگ بیت کنت ۔ نوکیں بلوچی شاعری ءِ گپّ بیت ، ءُ ماں ایشی ءٙ گوناب سازی ءِ مئیل ءِ چار ءُ تپاس ءِ گپّ بیت گُڈا مئے دل ءٙ درستاں پیسر منیر مومن ءِ نام کئیت ، منیر مومن ہما مردم اِنت کہ آئی ءِ گورا گوناب سازی ءِ مئیل ءُ رُجحان مُحکمیں رنگے ءٙ موجود اِنت ، منیرمومن ءِ گوناب سازی ءٙ ابرم ءِ ندارگاں گوں انسانی مارشتاں ہم گرنچ کنگ ءٙ نرم ءُ نازرکیں حیال ءُ جوزگاں گوں نرمیں گالوارے ءٙ درشان کنگ ، گچینی بستارے دنت ۔ منیر مومن ءِ گورا شعر ءِ نبشتہ کنگ ءٙ درستاں گیش ہما چیز ارزش داریت آ اِزم اِنت ، ہر وڈیں فکر ءُ حیالے ءِ درانگاز کنگ ءٙ مُنیر چہ ازم ءٙ دزکش بئیگ ءٙ ساڑی نہ اِنت ، ناگمان ءِ گُشگ اِنت کہ مُنیر مومن ءٙ وتی درشان ءٙ اِزم ءُ فکر ہم سٙنگ داشتگ اٙنت ۔ " بلوچی ءٙ چُشیں کزا یکّے در بئیت کہ آئی ءٙ اِزم ءُ فکر ءِ اے پُہل ءِ صراط ءِ سرا وتارا توکا توک برابر داشتگ ءُ پادے نہ لرز اِتگ اٙنت ، مئے تہا گیشتر ہنچیں اٙنت کہ آہاں یا وٙ فکر ءِ سرا زور داتگ ءُ اِزم ءِ نازرکیں رہبند لگتمال کتگ اٙنت یا اِزمی بُلندی ءِ شوق ءٙ فکر ءٙ پادان بیتگ اٙنت " اِزم ءُ فکر ءِ ہمے ہم سنگی ءٙ منیر مومن ءِ شعری تجربہ چہ ڈنّی زور ءُ اِرادہے ءٙ دیما نیاینت ، آئی ءِ تخیّل ءِ زور ءٙ ، ابید نیّت ءُ ارادہ ءٙ عکس ءُ گوناب ءِ دروشم ءٙ زیر اٙنت ۔ Title : Munir momen a dastonkan gonab sazi . writter : Sharaf Shad baloch . Voice : Nisar yousuf . Thanks to Balochi academy quetta . published by Balochi maragish baam shuben . 20, july _ 2021 #munirMomen #balochiPoetry