DD News Mizoram Chanchinthar | 12 February 2026 | 6:30 PM скачать в хорошем качестве

DD News Mizoram Chanchinthar | 12 February 2026 | 6:30 PM

Mizoram chhung leh ram hrang hrang a thil thleng te : 6:30 PM LOCAL Chief Minister Pu Lalduhoma chuan Mizo thalai thiamna nei tha tak takte chawikan an tum thu leh Mizo-te chu thiam thil ngah tak kan nih thu a sawi. Home Minister Pu. K. Sapdanga chuan zirlaite chu thawkrim tur leh ram leh hnam vei tel tura a duh thu a sawi. School Education Minister Dr Vanlalthlana hovin vawiin khan MINECO Secretariat Conference Hall-ah 'Review Meeting' neih a ni. FCS&CA Minister Pu B. Lalchhanzova chuan vawiin khan ATI Auditorium, MINECO-ah ‘Sensitization Workshop on City Gas Distribution (CGD)’ khuallian niin a hmanpui. Parliament thutkhawm neih mekah vawiin khan Rajya Sabha MP Pu K.Vanlalvena chuan Zero Hour-ah thu sawiin Mizorama kawngpui pawimawh pathum siam thuai a tul thu a sawi. Mizoram State Medicinal Plants Board, Directorate of AYUSH chu state hrang hrang zinga ti tha thlanchhuah zinga ti tha pathumna atan thlan a ni. Gauhati High Court thupek bawhzui-in Aizawl Traffic Police leh Transport Department tangkawp chuan lirthei dahna- garage nei lo an endik. 6:30 PM National 1. Prime Minister Narendra Modi an Lok Sabha thutkhawma Union Finance Minister Nirmala Sitharaman thusawi chuan kumin Budget in ram economy a thlak danglamna tur kimchang takin a sawfiah a ni, a ti. 2. Union Finance Minister Nirmala Sitharaman chuan ram chhunga hnathawhna tur tihpun nan sorkarin hmasawnna ruhrel dinna tihchangtlun leh hnathawh tam theihna sector te a ngaih pawimawh thu a sawi. 3. Lok Sabha thutkhawmah Industrial Relations Code (Amendment) Bill, 2026 chu pawm a nih theih nan sawiho a ni. 4. Union Power Minister of State Shripad Yesso Naik chuan India chu kawlphetha mamawh zat siam chhuak thei lo ram atangin a mamawh bak siamchhuak thei ramah a inhlangkai a ni, a ti. 5. Union Parliamentary Affairs Minister Kiren Rijiju chuan Rahul Gandhi lakah Privilege Notice thehluh a ni dawn tih a sawi. 6. Union Education Minister Dharmendra Pradhan chuan zirna kawnga Artificial Intelligence (AI) chhawr tangkai a nih theih nan sorkarin nasa taka hma a lak thu a sawi. 7. India AI Impact Summit kal tlangin rintlak zawka Artificial Intelligence AI hman dan leh khawvel huap dawhsana inphochhuahna hun buatsaih a ni dawn. 8. Meghalaya Chief Minister Conrad K. Sangma chuan 2027 National Games inbuatsaihna peng pakhat atan, Meghalaya-a homestay siam duhte tan za zela 70 subsidy pek a nih tur thu a puang. Follow DD Mizoram:   / ddnewsmizoram     / ddnews_mizoram     / ddnewsmizoram