Сұлы (овсянка) бетті жасартады және нәрлендіреді! скачать в хорошем качестве

Сұлы (овсянка) бетті жасартады және нәрлендіреді!

Сұлы жармасынан дайындалған масканың пайдасы. Бет терісіне пайдалы маска дайындауда табиғи өнімдердің бірі сұлы (овсянка) яғни «Геркулес». Сұлы жармасынан дайындалған маска үйде жасалатын маскалардың ең негізгісі деуге болады. Құрамындағы пайдалы микроэлементтердің әсерінен ол бет терісін нәрлендіреді және өлі теріні сылып тастайды, бет терісінің табиғи реңін сақтауға көмектеседі. Сұлы маскасының бет терісіне әсері: бет терісін қоректендіріп, табиғи рең береді; бет терісіндегі әжім түсуден қорғайды; бет терісіндегі безеуді кетіреді; бет терісінің құрғап, қабыршықтануын азайтады. Сұлы жармасы еш қоспасыз таза өнім болғандықтан, кез келген теріге қолдануға болады. Сұлы маскасын дайындауда басқа компоненттерді қоса отырып майлы теріге немесе құрғақ теріге арналған маска түрлерін дайындауға болады. Сұлы жармасы мен ас содасы қосылып дайындалған маска (майлы бет терісіне арналған). Бұл масканың түрі бет терісі майлы әрі безеу көп шығатын адамдарға арналған. Сұлы жармасын майдалап үгітіп алу қажет. Содан соң, 2 ас қасық майда сұлыны ыстық суға бұқтырып қою қажет, дайын болған сұйықтау ботқаның үстіне 1 шай қасық соданы салып, араластырамыз. Дайын болған масканы бетіңізге жағып, 20 - 30 минут күтіңіз. Содан соң жылы сумен жуып тастау қажет. Бетті тазартатын маска. (сұлы жармасы мен бал қосылып дайындалады). Бұл маска сұлы жармасы мен балды араластыру арқылы жасалады. Бал – пайдалы әрі табиғи өнімдердің бірі. Бұл маска безеу көп шығатын теріге пайдалы деп есептелгенімен оның пайдалы жағы одан да көп. Бал өте жабысқақ соның әсерінен ол бет терісінің тесіктеріндегі (поры) майлы кірді сорып шығарады. Сұлы жармасы скрабтың қызметін атқарады яғни өлі теріні түсіреді. Сонымен қоса балдың тағы бір қасиеті, сұлы секілді терідегі қабынуды басып, теріні қоректендіреді. Масканы дайындау үшін балды аздап отқа қойып жылыту керек. Екі қоспаны бірдей мөлшерде алып, 2 ас қасық балға 2 ас қасық майдаланған сұлы жармасын қосып араластырыңыз. Егер маска өте қою болған жағдайда аздап су қосуға болады. Масканы бетке жағып 20 - 30 минутқа қалдырыңыз да соңынан жылы сумен жуып тастау қажет. Бет терісін нәрлендіру үшін дайындалатын маска. (сұлы мен айран (кефир) қосып дайындалады) Бұл маска бет терісін қоректендіріп, терінің түсін ағарту үшін қолданылады. Тері майлы болған жағдайда осы масканың пайдасы өте көп. Айран теріні құрғататын болғандықтан бет терісі құрғақ адамдарға қолдануға болмайды! Масканы дайындау үшін 2 ас қасық майда үгітілген сұлыға 1 ас қасық айранды қосып араластырыңыз. Содан соң бетке жағып 15 - 20 минут ұстау қажет, одан ұзақ ұстауға болмайды! Бет терісін жұмсарту үшін дайындалатын маска. (сұлы және қаймақ қосып жасалады). Бұл маска керісінше бет терісі майлы адамдарға қолдануға болмайды! Құрғақ бет терісіне арналған маска. (қаймақ майлы болғаны дұрыс). 2 ас қасық майда үгітілген сұлыға 1 ас қасық қаймақ қосып дайындалады. Бет терісіне жағып 20 - 30 минутқа қалдырыңыз. Соңынан жылы сумен жуу қажет. Соңғы кезде үй жағдайында жасалатын косметологиялық өнімдердің ішінде қаймақ қосылып жасалған маскалар ең танымал әрі тиімді болып есептеледі.