មហាភារតៈ скачать в хорошем качестве

មហាភារតៈ

រឿង មហាភារតៈ បង្កប់ទស្សនវិជ្ជាខ្មែរសម័យអង្គរពីសិល្បៈដឹកនាំប្រទេស យុទ្ធសាស្ត្រសង្គ្រាម និងយុត្តិធម៌-គុណធម៌របស់ដូនតាខ្មែរ! *** រឿងមហាភារតៈ បានទាក់ទាញអារម្មណ៍ខ្ញុំជាប់អស់ជាច្រើនឆ្នាំ។ ខ្ញុំបានស្វែងរកសៀវភៅនេះជិតម្ភៃឆ្នាំហើយ រហូតដល់សួរទៅអ្នកនៅប្រទេសបារាំង ក៏មិនលេចឮថាមានសេសសល់ឡើយ។ បន្ទាប់មក ខ្ញុំបានរកឃើញ រឿង មហាភារតៈ ដែលលោកមហាពិទូរ ឈឹម ក្រសេម បានបកប្រែពីភាសាថៃ ចែកចេញជាពីរសៀវភៅ។ ប៉ុន្តែស្នាដៃនេះខ្លីហួសពេករហូតដល់បាត់ខ្លឹមសារសំខាន់ៗស្ទើរតែទាំងអស់ គឺនៅសល់តែដំណើរឿងប៉ុណ្ណោះ។ ក្រោយមក ស្នាដៃនេះក៏មានគេចម្លងលក់ជាសាធារណៈ។ ទោះបីជាយ៉ាងណាក្តី ក៏យើងគួរចាត់ទុកថា សេចក្តីព្យាយាមនេះក៏ជាការរួមចំណែកក្នុងការជួយថែរក្សាសម្បត្តិវប្បធម៌មួយនេះកុំឲ្យរលាយសាបសូន្យដែរ។ ដូចខ្ញុំបានចារឹកនៅក្នុងអារម្ភកថានៃរឿង រាមាយណៈ រឿងមហាភារតៈត្រូវបានកវីនិពន្ធឥណ្ឌាចងក្រងជាពាក្យកាព្យ មានចំនួនប្រាំម៉ឺនពីរពាន់បទកំណាព្យ គឺអាចសន្មតថាជាវីរកថាវែងជាងគេបង្អស់នៅលើសកលលោក។ រឿងនេះកើតឡើងក្រោយរឿងរាមាយណៈបន្តិច ហើយគេឃើញមានតួអង្គខ្លះក៏ជាតួអង្គនៅក្នុងរឿងរាមាយណៈដែរ ដូចជា បរាសុរាម, ឬសីនារទៈ, វិភេសន៍, ហនុមាន ជាដើម ឯតួអង្គទេព្តាក៏ដូចគ្នាដែរ មានជាអាទិ៍គឺ ព្រះឥន្ទ្រ, ព្រះសិវៈ, ព្រះវិស្ណុជាដើម។ ឯឈ្មោះអាវុធនានាក៏ដូចគ្នាជាច្រើនដែរ។ ដូចរឿងរាមាយណៈដែរ នៅតាមជញ្ជាំងតួប្រាសាទអង្គរវត្តគេតែងឃើញចម្លាក់ជាច្រើនស្តីពីរឿងមហាភារតៈ។ ដូច្នេះ ការសិក្សារឿងមហាភារតៈគួរណាស់តែត្រូវខ្មែរយើងអនុវត្តឲ្យពេញល្បុងឡើងវិញ ដើម្បីអាចឲ្យដឹងអំពីជម្រៅនិងខ្លឹមសារដ៏ទូលំទូលាយនៃវប្បធម៌-អារ្យធម៌ឥណ្ឌា-ខ្មែរ ពោលគឺឲ្យខ្មែរអាចស្គាល់ អាចយល់អាចដឹង ពីវប្បធម៌ដ៏មានតម្លៃរបស់ខ្លួន។ ពិសេសថែមទៀត គឺដើម្បីអាចឲ្យបកស្រាយបាននូវផ្ទាំងចម្លាក់នានានៅតាមជញ្ជាំងប្រាសាទ ឬផ្ទាំងគំនូរ។ (សូមរកអានបន្តនៅក្នុងសៀវភៅមហាភារតៈ) ព័ត៌មានថ្មីៗទាក់ទងនឹងការបោះពុម្ពផ្សាយស្នាដៃលោកសាស្ត្រាចារ្យ៖ ស្នាដៃរបស់លោកសាស្រ្តាចារ្យ ធន់ ហុិន ជាស្នាដៃដែលមិនមែនត្រឹមតែជាការបកប្រែពីភាសាមួយទៅភាសាមួយទេ ។ តែស្នាដៃមួយនេះ ឆ្លងកាត់ការអានស្នាដៃសៀវភៅមហាភារតៈជាច្រេីនក្នុងភាសាផ្សេងៗគ្នា ឆ្លងកាត់ការស្រាវជ្រាវនិងចំណេះដឹងដ៏ជ្រៅជ្រះទៅលេីប្រវត្តិសាស្រ្ត អក្សរសាស្រ្ត វប្បធម៌ រួមទាំងចំណេះដឹងភាសា ផ្សេងៗ ចំណេះដឹងលេីក្បួនវេយ្យាករណ៍ខ្មែរ ភាសាបាលី និងចំណេះដឹងនិងការស្រាវជ្រាវលេីរាជសព្ទផងដែរ (ស្នាដៃរបស់លោករួមមានសៀវភៅរាជសព្ទ) ។ ដូចគ្នា សៀវភៅរាមាយណៈក៏ជាសមិទ្ធផលចេញពីការស្រាវជ្រាវនិងចំណេះដឹងដ៏ជ្រៅជ្រះ ដែលមិនមែនជាការបកប្រែបែប literal translation នោះទេ ។ សៀវភៅដែលលោកចងក្រងមួយណាក៏ឆ្លងកាត់ការស្រាវជ្រាវយ៉ាងលម្អិត រួមទាំងសៀវភៅ វេយ្យាករណ៍ ជួនណាត ផងដែរ ។ នេះជាហេតុផលដែលសម្រាប់សៀវភៅនីមួយៗ លោកត្រូវចំណាយពេលអស់ជាច្រេីនឆ្នាំ ។ អភិសមាចារនឹងបោះពុម្ពហេីយក្នុងខែសីហានេះ ។ លោកបានផ្តាំថា បេីអានមហាភារតៈ គួរតែអានអភិសមាចារផងដែរ ដោយលោកបានទាញជាចំណេះដឹងជាច្រេីនពីរឿងមហាភារតៈមកចងក្រងជាកំណាព្យផ្សេងៗ ។ រាមាយណៈនឹងបោះពុម្ពហេីយមុនដាច់ឆ្នាំនេះ ។ ស្នាដៃលោកជាស្នាដៃដ៏មានតម្លៃមហិមាដល់ផ្នែកអប់រំ វប្បធម៌ ដល់សង្គមជាតិទាំងមូល ជាស្នាដៃប្រវត្តិសាស្ត្រសម្រាប់ប្រទេសកម្ពុជា ។ លម្អិតបន្ថែមទាក់ទងនឹងខ្លឹមសារសំខាន់ និងការរៀបចំប្រែសម្រួលមហាវីរៈកថានេះយ៉ាងណានោះ សូមអញ្ជើញបទយកការណ៍ក្នុងវីដេអូខាងក្រោមនេះកុំបីខាន។ ប្រភពសំណេរ៖ Thon Vimealea ប្រភពព័ត៌មាន៖ វិទ្យុផ្កាឈូក រៀបចំផ្សាយឡើងវិញ៖ My Bookshop Cambodia ក្នុងគោលបំណងរក្សាទុកឯកសារអនុស្សាវីរយ៍នៃការសម្ភាសន៍លោកសាស្ត្រាចារ្យដោយផ្ទាល់កាលលោកនៅមានវត្តមាន។