Zinarîn Qamişlo: ‘Hemû Kurdên bi şeref û namûs hebe, pêwîste xwedî li banga seferberiyê derkeve’ скачать в хорошем качестве

Zinarîn Qamişlo: ‘Hemû Kurdên bi şeref û namûs hebe, pêwîste xwedî li banga seferberiyê derkeve’

Fermandariya YPJ Zinarîn Qamişlo axivî û diyar kir ku li ser hevgirtina gelê heremê êrîşeke pir mezin heye û wiha nirxand: ‘Em bihêvîne ku hemû ciwanên çar parçeyên Kurdistanê, hemû Kurdên bi şeref û namûs hebe, pêwîste xwedî li banga seferberiyê derkeve.’ Zinarîn Qamişlo diyar kir ku ev 14 sal in ev gel bi aramî, îrade û bawerî bi hevre jiyan dikin. Li ser hevgirtina gelan êrîş li du taxan, Şêx Meqsûd û Erefiyê destpê kir û heta Rojavayê Kurdistanê jî hat. Ev lîstokeke ku li ser hevgirtina gelan û Netewa Demokratîke. Ev êrîş fitneya di navbera Kurd û Ereban de ye. Ev hişt ku netewperestî pêş bikeve. Zinarîn Qamişlo: ‘Pêwîste kes guh nede vî şerê taybet’ Zinarîn Qamişlo di dewama axaftina xwe de diyar kir ku li ser Medya Civakî ya Erebî şerek taybet tê meşandin û wiha anî ziman: ‘Ragihandina El-Erebiya, El-Hadas û El-Cezîrê lîstokeke şerê taybet di asta herî jorê de dilîze. Pêwîste kes guh nede vî şerê taybet, niha herî zêde pêwîstiya me bi hevgirtinê heye.’ Zinarîn Qamişlo: ‘Yên ku dibêjin pêkhateyên Ereb di nava QSD’ê de nemane, nerastin’ Fermandariya YPJ Zinarîn Qamişlo di axaftinên xwe de balkişand ser hêzên me yên QSD’ê û wiha anî ziman: ‘Yên ku dibêjin pêkhateyên Ereb di nava QSD’ê de nemane, nerastin. Îro ciwanên Kurd û Ereb di çeperên herî pêş yên şer de ne. Ji bo wê pêwîste ti civakên me guh nedin van fitneyan.’ Zinarîn Qamişlo di dewama axaftinên xwede bang li rûsipiyên Kurd, Ereb û yên diyaned, kir û wiha anî ziman: ‘Ma rastiya Îslamê ew e ku tu birayê xwe yê misilman serjê bike, an axa misilmanekê dagir bike, ev xwe naspêre rastiya Îslamê.’ Zinarîn Qamişlo: ‘Di îslamê de hurmet herî zêde ji jinê re ye’ Zinarîn Qamişlo balkişand ser kuştina jinan û ev nirxandin kir: ‘Di îslamê de hurmet herî zêde ji jinê reye, di îslamê de jî tê gotin cinet dibin lingê dayîkan deye. Lê di roja me ya îro de kesê netewperest, kesên bi navê îslamê diçin keziyên jinên Kurd jê dikin, jinên Kurd ji qadên çaran davêjin erdê, ev ti îslaman de nehatiye gotin. Zinarîn Qamişlo: ‘Bi hevgirtina gelan wê pergala Netewa Demokratîk ava bibe’ Zinarîn Qamişlo di dawiya axafitinên xwe de bang li Oldar û Bawermendankir ku rastiya îslam çiye vîna pir derxîne pêş, ev ragihandina ku şerê taybet dike em guh nedinê û ev banga Rêveberiya Xweser kiriye, em bikaribin bi hemû hêza xwe çi ji deste me bê îro bikin. Jiber hebûn û tinebûna Kurdan li holêye, pêwîste em derkevin meydanan. Pêwîste em xwedî li destkeftiyên Şoreşa Rojava û projeya Netewa Demmokratîk derkevin. Bi hevgirtina gelan wê pergala Netewa Demokratîk ava bibe. #YPJ #YPG #DefendRojava 👇👇