Trump式關稅與經濟蕭條 黃世澤澤論四方 2025年4月3日 скачать в хорошем качестве

Trump式關稅與經濟蕭條 黃世澤澤論四方 2025年4月3日

#trump #關稅 #tariffs Trump 公布咗佢嘅關稅措施，雖然比較起1929年聲名狼籍嘅The Smoot-Hawley Tariff Act，其實Trump嘅關稅似係地緣政治工具，多過真正貿易保護主義工具。但如果一切控制不當，如果嚟個經濟大蕭條，真係唔係講玩。而農業同工業、商業人看待經濟嘅分別，係一切問題嘅根源。 Trump 式關稅與農業 上世紀搞出經濟大蕭條同二次大戰嘅The Smoot-Hawley Tariff Act，其實係農業思維嘅產物。工業、商業嘅商人，其實係會擁抱全球化，因為全球化最大程度上實現比較優勢（Comparative advantage），將唔同工序、物品拆件，然後得到最平、最好嘅產品，由資本家到工人都人人得益，呢個係經濟學嘅基礎嚟。問題係，農業易受天災影響，而且唔可以拆分，你唔可以將農產品搬到第二個地方生產。 當然，現代工業化農業，加上冷藏技術嘅進步，農業係某程度受惠於全球化，但唔係每一個農民可以承擔呢種龐大嘅技術同資本投資。再加上農業事關糧食穩定，糧食穩定又事及國家安全，因此，每一個國家嘅漁業同農業政策，往往最影響選民意向，最反對全球化都係佢哋，由過去嘅日本米農、到英國喺共同漁業、農業政策上同歐盟嘅諸多磨擦，令英格蘭鄉郊多數支持脫歐，次次農民示威喺歐洲，都係搞到拖拉機進軍首都，全部都係咁。 問題，如果啲嘢唔夠平，亦唔夠多，啲人係唔消費，工業同商業係承受唔起你唔消費，金流會斷裂。所以只要美國嘅國策一面倒傾向工人同農民，實施一啲極其癲喪嘅貿易保護主義措施，工商業就好大機會迅速萎縮，我諗我用簡單嘅經濟學，如果你萎縮消費，等於喺銀行系統嘅乘數效應消失，你諗吓會有幾大問題就知。冷戰後嘅經濟繁榮，其實就係全球化全面推行，基層都可以享受以往諗唔到嘅消費，喺一百年前，大家見到IKEA果種傢俬，喺維也納激進藝術界造俾啲標奇立異嘅中產同有錢人，但到IKEA興起，呢種風格變成基層生活嘅標準，IKEA仰賴，就係全球化嘅採購同生產。依家基層生活享受，喺上世紀初啲極權主義出動九牛二虎之力用嚟收買基層先做到，好似廉價郵輪團、福士甲蟲車，廉價收音機等等。呢個就係資本主義嘅邏輯。 但凡事太盡必然會衰落，喺上次經濟大蕭條後，歐陸發展嘅極權主義，以為種族主義可以解決問題，結果就係種族主義因二戰而衰落，甚至變成聲名狼籍，相反換嚟係各唔同民族因才而用嘅體制，開始成為一個國家優勝條件。 Trump 嘅政策，係極力恢復人和貨嘅疆界，但依家有少子化問題，再加上大家習慣咗全球化嘅好處，會唔會我哋嘅子孫喺一個無人同貨國界嘅世界生活，所謂地球化，呢個係可以諗。 可以肯，有一個國家要全球化好處，但拒絕自我解放危害人類，果個國家叫中國。如果呢次 Trump 關稅令中國走向瓦解，變成若干互相競爭嘅國家，相信係對人類有好處，甚至對漢字系文化都有好處。只不過，習近平復古程度遠甚Trump，佢只係想做千古一帝，呢個至係人類文明嘅最大挑戰所在。 當然AI同機械人流行後，大量無所事事嘅白領同藍領，會唔會人類需要走向一個靈性同宗教為主嘅社會（或者相反方向），可能係另一個問題。但一場大規模經濟蕭條，都要有所準備。 #美國 #USA #經濟 #蕭條 #評論 #4K #澤論四方 https://martinoei.com/